आगामी विधानसभा निवडणुकीच्या तोंडावर सर्वच राजकीय पक्षांचे नेते एकमेकांवर आरोप-प्रत्यारोप करताना दिसत आहेत. महायुतीमध्ये देखील असंच चित्र पाहयाला मिळत आहे. महायुतीतील घटक पक्षांचे नेते एकमेकांचा चांगलाच समाचार घेत आहेत. शिदे गटाचे नेते रामदास कदम आणि भाजपचे नेते रवींद्र वायकर हे दोघेही एकमेकांवर जोरादार टीका करत आहेत. आता रामदास कदम यांची पुन्हा जीभ घसरली आहे. रामदास कदम यांनी रवींद्र वायकर यांना मेटल म्हटले आहे.

रामदास कदम यांनी रवींद्र वायकरांवर टीका करताना सांगितले की, 'हा थोबाड फोडायच्या गोष्टी करतोय. जसं काही याला पागल कुत्रा चावलाय. थोबाड फोडायच्या गोष्टी तू काय करतो. भूंकणारा कुत्रा चावत नाही. मी या सगळ्यातून गेलो आहे. रवींद्र चव्हाण हा सातत्याने महायुतीत मिठाचा खडा टाकायचे काम करतोय. युती तोडण्याचा प्रयत्न करतोय.'

'आदरणीय मोदी साहेब, आदरणीय भागवत साहेब यांना मी १० दिवसांअगोदर पत्र पाठवले. त्या पत्रात याचे कोकणातले सगळे कारणामे लिहिले आहेत. एकनाथ शिंदे यांच्या मुलाला श्रीकांत शिंदेला कसा त्रास दिला. दापोलीत हा काय करतोय. हा पागल झालाय मेंटल झालाय. याला युती कळत नाही.', असे म्हणत रामदास कदम यांनी रवींद्र चव्हाण यांच्यावर जोरदार टीका केली.

दरम्यान, रामदास कदम यांनी चमकोगिरी करणाऱ्या कुचकामी रवींद्र चव्हाण यांच्या मंत्रीपदाचा फडणवीस यांनी राजीनामा घ्यावा, अशी टीका एका कार्यक्रमात केली होती. रामदास कदम यांच्या वक्तव्यानंतर रवींद्र चव्हाण यांनी कदम यांच्यावर निशाणा साधला होता. 'मुख्यमंत्र्यांना एवढेच सांगेन युतीधर्म पाळण्याचा अधिकार फक्त रवींद्र चव्हाण यांचा नाही, तर तो सर्वांनी पाळला पाहिजे. भाजप म्हणून फार सौजन्याने राहण्याचा माझा स्वभाव आहे. मात्र, सौजन्य सोडलं तर अतिशय वाईट पद्धतीने वागायला मी तयार आहे.', असा इशारा रवींद्र चव्हाण यांनी रामदास कदम यांना दिला होता.