Raj Thackeray questions Election Commission over 134-year-old voter record : मुलीचे वय १३४ आणि वडिलांचे वय ४०, कुणी कुणाला काढले? मतदार यादीतील घोळावरून राज ठाकरेंनी निवडणूक आयोगाला संतप्त सवाल केला. मनसे अन् मविआचे सर्वपश्रीय शिष्टमंडाने आज शिवालयमध्ये आयोगाची भेट घेतली. यावेळी मतदार यादीतील घोळावरून राज ठाकरेंनी आयोगाला धारेवर धरलं. जोपर्यंत सर्व पक्षाची सहमती येत नाही, तोपर्यंत निवडणुका घेऊ नका, अशी मागणीही राज ठाकरेंनी केली. राजकीय पक्षांसाठी, सत्ताधाऱ्यांसाठी काम करता असं दिसतंय, असा आरोपही त्यांनी यावेळी केली. (MNS chief Raj Thackeray attacks EC for voter list irregularities)

निवडणूक पुढे ढकला - राज ठाकरे Raj Thackeray slams Election Commission during Shivalay meeting

५ वर्षं निवडणूक घेतली नाही, अजून ६ महिने निवडणूक घेऊ नका. जोपर्यंत पारदर्शकता येणार नाही, तोपर्यंत निवडणूक घेऊच नका, असे राज ठाकरे म्हणाले. बॅलेटवर निवडणूक घेतली तर जास्त दिवस लागत असेल तर लागू देत. निवडणूक आयोगाला निवडणूक घेण्याऐवजी काय काम आहे, असेही राज ठाकरे म्हणाले. मतदार यादीत घोळ असेल तर तुम्ही आम्ही तयार नाहीत, असे सुप्रीम कोर्टाला सांगा, निवडणूक पुढे ढकला, अशी मागणी राज ठाकरेंनी केली.

थोरातांचा पराभव कसा झाला? - राज ठाकरे Raj Thackeray accuses EC of bias towards ruling parties

बाळासाहेब थोरात हे ८ टर्म ८०-९० हजार मतांनी निवडणूक जिंकत आले आहेत. यंदा एक लाखाने पडले, हे कसे शक्य आहे? असा सवाल करत राज ठाकरेंनी आयोगाला धारेवर धरले. राजकीय पक्षांना क्लिअर झाल्याशिवाय निवडणूक घेऊ नका. तोपर्यंत निवडणूक कार्यक्रम रद्द करा. राजकीय पक्ष निवडणुका लढवतं, त्यांना शेवटची मतदार यादी दाखवत का नाही? असा सवाल राज ठाकरेंनी उपस्थित केला.

आमचा मतदारांशी संबंध येतो, तुमचा नाही - राज ठाकरे

मतदार नोंदणी बंद करून लपवाछपवी कशासाठी ? सर्व राजकीय पक्षांचं एकमत होत नाही तोपर्यंत निवडणूक घेऊ नका. आमचं तुमचं करू नका, आमच्यासाठी निवडणूक आयोग एकच आहे. तुम्हीच सगळे ठरवणार..निवडणूक आम्ही लढवतो व तुम्ही निवडणूक कंडक्ट करता. आठ दिवसांची फक्त मुदत देता. निवडणुका कशा लढवायच्या सांगा. हे काही क्लिष्ट प्रश्न नाहीत. आमचा मतदारांशी संबंध येतो, तुमचा नाही. ते आम्हाला मतदान करतात. पण मतदारांच्या यादीची ही पारदर्शकता आहे का? २०२२ ला बेसावध राहिलो. सगळं व्यवस्थित केल्याशिवाय निवडणुका घेता नाही येणार. इतकी वर्षे झाली आता नाही होणार, असे राज ठाकरे म्हणाले.