राज्यात लवकरच मोठा राजकीय भूकंप होणार आहे. दोन्ही राष्ट्रवादीच्या विलिनीकरणाच्या चर्चांना सध्या वेग आला आहे. याबाबत आता राज्याच्या उपमुख्यमंत्री सुनेत्रा पवार यांनी मोठं विधान केलं. विलिनीकरणाबाबत पत्रकारांनी विचारलेल्या प्रश्नावर सुनेत्रा पवार यांनी एका वाक्यात उत्तर दिलं. जशी वेळ येईल तशा गोष्टी आपल्याला कळतील, असे सूचक विधान सुनेत्रा पवार यांनी केले आहे. त्यामुळे आगामी काळात काही तरी मोठी घडामोड घडेल अशी चर्चा आता राजकीय वर्तुळात सुरू झाली आहे.