मुंबई : एकीकडे राज्यात ७५ हजार पदांची भरती करण्याची घोषणा शिंदे-फडणवीस सरकारने केली असतानाच, दुसरीकडे राज्य सरकारने एक मोठा निर्णय घेतला आहे. राज्यातील पशुसंवर्धन विभागाची भरती प्रक्रिया रद्द करण्याचा निर्णय सरकारने घेतला आहे. शिंदे-फडणवीस सरकारच्या या निर्णयामुळे विद्यार्थी आक्रमक होण्याची शक्यता आहे.  (Latest Marathi News)

विशेष बाब म्हणजे, याआधी सुद्धा राज्य सरकारने १३ हजार ५२१ पदांची जिल्हा परिषदेची भरती रद्द केली होती. त्यापाठोपाठ आता पशुसंवर्धन विभागाची भरती रद्द करण्यात आली आहे. सरकारने घेतलेल्या या निर्णयामुळे राज्यातील हजारो विद्यार्थी आक्रमक होण्याची शक्यता आहे.

२०१७ आणि २०१९ मध्ये राज्यात पशुसंवर्धन (Jobs) विभागाची जाहिरात प्रसिद्ध झाली होती. पशुसंवर्धन आयुक्तलांतर्गत सरळसेवा कोट्यातील गट क आणि ड संवर्गातील रिक्त पदे भरण्याबाबतआधी २०१७ आणि नंतर मार्च २०१९ रोजी जाहीरात प्रसिद्ध करण्यात आली होती.

पशुवसंर्धन विभागातील ७२३ पदांसाठी ही जाहीरात काढण्यात आली होती. यासाठी उमेदवारांकडून ऑनलाईन अर्ज मागवण्यात आले होते. दरम्यान, पैसे भरून विद्यार्थ्यांनी ऑनलाईन अर्जही भरले होते. गेल्या चार वर्षांपासून या भरतीप्रक्रियाची विद्यार्थी आतुरतेने वाट पाहत होते. अखेर जिल्हा परिषदेप्रमाणे शासनाने ही भरतीही रद्द करण्याचा निर्णय घेतला आहे.

Edited By - Satish Daud