राज्य विधीमंडळाच्या पावसाळी अधिवेशनात आज शिवसेना ठाकरे गटाचे प्रमुख उद्धव ठाकरे यांनी हजेरी लावली. यावेळी माध्यमांसोबत संवाद साधताना त्यांनी महायुती सरकावर टीकेचा भडिमार केला. महाराष्ट्रावर कर्जाचा डोंगर झाला असून गुजरात पुढे जातोय, अशी बातमी मी ऐकल्याचं उद्धव ठाकरे म्हणाले. महाराष्ट्राच्या जनतेची लयलूट होत असल्याचा आरोपही ठाकरेंनी केला.

येत्या २-३ महिन्यात महाराष्ट्रातील जनता या सरकारला आरसा दाखवले, असंही ठाकरे म्हणाले. लाडकी बहिणीप्रमाणेच लाडका भाऊ योजना आणा. शेतकरी आत्महत्या वाढत असून त्यांना तातडीने कर्जमुक्त करा. शेतकऱ्यांचं वीजबिल देखील माझ करा, अशी मागणी उद्धव ठाकरे यांनी केली. दरम्यान, अर्थसंकल्पात राज्य सरकार शेतकऱ्यांसाठी काय घोषणा करणार? याकडे संपूर्ण राज्याचं लक्ष लागून आहे.