पुणे : स्वर सम्राज्ञी गानकोकिळा लता मंगेशकर या कोरोना मुळे रुग्णालयात दाखल आहेत.त्यांच्या प्रकृतीस आराम पडावा यासाठी विधानपरिषद उपसभापती डॉ.नीलमताई गो-हे,शिवसेना महिला आघाडीच्या नवनियुक्त पदाधिकारी व शिवसेना पदाधिकारी यांनी शिवसेना (Shivsena) पुणे शहराच्या वतीने श्रीमंत दगडूशेठ हलवाई गणपतीची महाआरती केली.

या प्रसंगी डॉ.गो-हे यांनी भारतरत्न लताताई मंगेशकर (Lata Mangeshkar) यांचे स्थान सर्व भारतीयांच्या आणि सर्वांच्या हृदयात असून त्यांची श्रद्धा,आणि माणुसकी,त्यांची कामावरची निष्ठा तसेच हिंदुहृदय सम्राट सरसेनापती बाळासाहेब ठाकरे यांच्या बद्दलचा त्यांचा अकृत्रिम स्नेह लक्षात घेता या कार्यक्रमाचे आयोजन केल्याचे नीलम गोऱ्हेनी सांगितले.

तसेच या कार्यक्रमाची कल्पना मुख्यमंत्री मा.उद्धवजी ठाकरे (Uddhav Thackeray) व रश्मिताई ठाकरे यांना असल्याचे संगितले. या कार्यक्रम प्रसंगी शिवसेना शहर प्रमुख संजय मोरे,गजानन थरकुडे, राजेंद्र शिंदे,निर्मला केंडे,स्वाती ढमाले,अमृता पठारे,सुदर्शना त्रिगुणाईत,सुलभा तळेकर,अश्विनी शिंदे,विद्या होडे,राहुल जेकटे,अनीता परदेशी,वैशाली दारवटकर,अरुणा पवार,स्मृति नाझरकर,मकरंद पेठकर,स्वाती कथलकर शिवा जगधणे आदी मान्यवर उपस्थित होते.

Edited By - Jagdish Patil