Mumbai News : मुंबईतून धक्कादायक वृत्त समोर आलं आहे. मुंबईत (Mumbai) साडेतीन वर्षीय मुलीच्या घसरगुंडीवर खेळणं जीवावर बेतलं आहे.. घाटकोपरमधील नील योग मॉलमध्ये किडझोनमध्ये खेळण्यासाठी एका साडेतीन वर्षीय मुलीचा घसरगुंडीवरून (Slide) पडून मृत्यू झाल्याची घटना घडली आहे. याप्रकरणी पंतनगर पोलीसांनी अपमृत्यूची नोंद करत तपास सुरू केला आहे. (Latest Marathi News)

मिळालेल्या माहितीनुसार, दालीशा वर्मा असे या चिमुरडीचे नाव असून ती चेंबूरच्या टिळक नगर परिसरात राहत होती. आई-वडिलांसोबत दालिशा वर्मा घाटकोपरमधील नील योग मॉलमध्ये किडझोनमध्ये खेळण्यासाठी गेली होती. घसरगुंडीवरून खेळत असताना अचानक तोल गेला. दालिशाचा तोल गेल्यामुळे घसरगुंडीवरून खाली पडली. त्यानंतर दालिशाला तातडीने एका खासगी रुग्णालयात दाखल करण्यात आले. मात्र, उपचारापूर्वीच तिचा मृत्यू झाला. याबाबत पोलिसांनी अपमृत्यूची नोंद करत तपास सुरू केला आहे.

मॉलचं म्हणणं काय ?

घाटकोपरच्या नील योग मॉलमध्ये किडझोनमध्ये अनेक लहान मुले पालकांसोबत येतात. शेकडो लहान मुले या किडझोनमध्ये खेळत असतात. मॉलमध्ये मुले सुरक्षितपणे खेळू शकतात, या विचाराने पालकही आवर्जून मॉलमध्येच खेळायला घेऊन येतात. मात्र, या किडझोनमध्ये घसरगुंडीवर खेळताना चिमुरडीचा मृत्यू झाल्यामुळे मॉलच्या सुरक्षेवर प्रश्नचिन्ह निर्माण करण्यात येत आहे. मात्र , या मॉलमधील झेनॉक्स प्ले स्पेसचे मालक रचना हारिया यांनी या ठिकाणी सुरक्षेच्या पूर्ण उपाययोजना केल्या असल्याचं सांगितलं आहे.