मावळ : राज्यासह पुणे जिल्ह्यातील ग्रामीण भागात गेल्या आठवड्याभरापासून पावसाने चंगळच जोर धरला आहे. मावळ तालुक्यात गेल्या चार पाच दिवसांपासून कोसळत असलेल्या मुसळधार पावसाने मावळातील महत्वपूर्ण असलेले कासारसाई धरण पूर्ण क्षमतेने भरले आहे.

हे देखील पहा -

कासारसाई धरणाच्या तीनही दरवाज्यातून ५४०० क्युसेसने पाण्याचा विसर्ग सुरु आहे. कासारसाई धरणाचा एकूण पाणीसाठा १७.१५ दक्षलक्ष घनमीटर इतका असून सध्या धरणात १५.८३ दक्षलक्ष घनमीटर इतका पाणीसाठा आहे. आतापर्यंत धरणपरिसरात ४४२ मिलीलिटर पावसाची नोंद झाली आहे.

कासारसाई धरण भरल्यामुळे विशेषतः कासारसाई, कुसगाव, पाचाणे, नेरे, सांगावडे आदी गावातील हजारो एकर शेतीच्या पाण्याची व पाणीपुरवठा योजनेसाठी लागणाऱ्या पाण्याची चिंता मिटली असून शेतकऱ्यांमध्ये आनंदाचे वातावरण आहे.

Edited By : Krushnarav Sathe