कल्याण : स्वातंत्र्यदिनाच्या पार्श्वभूमीवर कल्याण-डोंबिवली महापालिकेने शहरात जोरदार तयारी सुरु केली आहे. स्वातंत्र्यदिनाच्या दिवशी पालिकेच्या आवाहनानुसार परिसरातील चिकन शॉप ,मटन शॉप आणि कत्तलखाने बंद राहणार आहेत. स्वातंत्र्यदिनाच्या पार्श्वभूमीवर कल्याण डोंबिवली महापालिकेने मोठा निर्णय घेतला आहे.

कल्याण डोंबिवली महापालिकेच्या उपायुक्त अर्चना गायकवाड यांनी याबाबत माहिती दिली. उपायुक्त अर्चना गायकवाड म्हणाल्या, 'सर्व कल्याण-डोंबिवली क्षेत्रातील चिकन, मटण शॉप, कत्तलखाने बंद करण्याचं आवाहन केलं आहे. यासाठी महापालिकेच्या माध्यमातून जाहीर आवाहन करण्यात आलं आहे. स्वातंत्र्यदिनाच्या पार्श्वभूमीवर हा निर्णय घेण्यात आला आहे'.