अभिजीत देशमुख

Kalyan Crime News:

कल्याणमधून एक धक्कादायक घटना समोर आली आहे. कल्याणमध्ये एका महिलेवर अतिप्रसंग करण्याचा प्रयत्न झाल्याची घटना घडली आहे. या महिलेचे मंगळसूत्रही हिसकावून नेल्याचा प्रकार उघडकीस आला आहे. या घटनेने परिसरात एकच खळबळ उडाली आहे. (Latest Marathi News)

कल्याणच्या होम बाबा टेकडीवरील जात असताना एका महिलेवर अतिप्रसंग करण्याच्या प्रयत्न करण्यात आल्याचा प्रकार उघडकीस आला आहे. महिलेने प्रतिकार केल्याने नराधम महिलेचे मंगळसूत्र घेऊन पसार झाला आहे. टिळकनगर पोलीस स्टेशनच्यआ हद्दीत हा प्रकार घडला आहे.

नेमकं काय घडलं?

कल्याणच्या उच्चभ्रू सोसायटीत राहणारी एक महिला कल्याण पूर्वेतील होम टेकडीवर चालली होती. ठिकाणी जात असताना एका तरुणाने महिलेला हटकले. त्यानंतर तरुणाने महिलेसोबत अतिप्रसंग करण्याचा प्रयत्न केला.

तरुणाच्या कृत्यानंतर महिलेने आरडोओरड करत जोरदार प्रतिकार केला. या महिलेने त्या नराधमाच्या तावडीतून सुटका केली. याचदरम्यान या तरुणाने महिलेच्या गळ्यातील मंगळसूत्र हिसकावलं आणि पळून गेला.

ही महिला टेकडी उतरून खाली आली. त्यानंतर तिच्यासोबत घडलेला प्रकार काही तरुणांना सांगितला. त्या तरुणांनी त्या पीडित महिलेला भाजप कार्यकर्ते संतोष चौधरी यांच्याकडे नेलं. त्यानंतर पीडित महिलेला घेऊन तरुणांनी पत्रीपूल नजीक असलेल्या पोलिस चौकीत घेऊन गेले. टिळक नगर पोलिसांनी तत्काळ घटनास्थळ गाठत तपास सुरू केला आहे.