मुंबई : आंतरराष्ट्रीय दहशतवादी आणि भारताकरिता मोस्ट वाँटेड असलेल्या दाऊद इब्राहिम (Daud Ibrahim) याचा भाऊ इक्बाल कासकर (Iqbal Kaskar) याला न्यायालयीन कोठडी सुनावण्यात आली आहे. यापूर्वी PLMA न्यायालयाने इक्बाल कासकरला 25 फेब्रुवारीपर्यंत ईडी कोठडी सुनावली होती (Iqbal Kaskar remanded in judicial custody).

इक्बाल कासकर (Iqbal Kaskar) च्या वकिलांनी न्यायालयात एक अर्ज दाखल केला होता. ज्यामध्ये इक्बाल कासकर ईडी (ED) कोठडीत असताना त्याच्या काही इंग्रजी भाषेतील कागदपत्रांवर स्वाक्षरी घेतल्याची माहिती देण्यात आली आहे. इक्बाल कासकर याना इंग्रजी भाषा कळत नसल्याची त्यांच्या वकिलांची माहिती आहे.

कासकरला डायबिटीज असल्याने जेलमध्ये नेण्याआधी त्याला जेवण देण्याची कासकरच्या वकिलांची मागणी होती. न्यायालयाने ही मागणी मान्य करत ईडी कार्यालयात कासाकरला जेवण देऊन मग ठाणे जेलमध्ये नेण्याचे आदेश दिले आहेत.

दाऊद इब्राहिम (Daud Ibrahim) कासकर हा इक्बालचा भाऊ असून तो आंतरराष्ट्रीय गुंड आहे. त्याच्यावर अंमली पदार्थ, शस्त्र तस्करी, स्फोटक तस्करी करण्याचे आरोप आहे. दाऊदचे दहशतवादी संघटनांशीही संबध असून राजकीय नेते, व्यावसयिक यांनाही धमकवल्याचे तपासात समोर आले आहे. खंडणीद्वारे यांनी अनेकांकडून पैसे उकळले आहेत. असंख्य गुन्हे या टोळीच्या विविध सदस्यांवर मुंबईच्या विविध पोलिस ठाण्यात दाखल आहेत.

Edited By - Nupur Uppal