डोंबिवली : लोढा–पलावा जंक्शन येथील देसाई खाडीवर नवीन पुल निर्माण करण्याचे काम चालू आहे. त्याचाच भाग म्हणून कल्याण फाट्याकडून डोंबिवली आणि कल्याण कडे जाणाऱ्या रस्त्यावर पलावा जंक्शन येथे मोठे क्रेन ठेवून सिमेंट गर्डर ठेवण्याचे काम करण्यात येणार आहे.

हे देखील पहा :

सदरचे काम दि. १६/१०/२०२१ ते दि.२०/१०/२०२१ रात्री 10 ते सकाळी 6 वा. वाजे पर्यंत करण्यात येणार आहे. त्यामुळे कल्याण फाट्याकडून कल्याण कडे जाणाऱ्या अवजड वाहनांना कल्याण फाटा येथे प्रवेश बंद करण्यात आला असुन सदरची वाहने ही कल्याण फाटा- मुंब्रा बायपास-खारेगाव टोल नाका मार्गे इच्छित स्थळी जातील.

कल्याण कडून कल्याण फाट्याकडे जाणाऱ्या जड-अवजड वाहनांना बदलापुर चौक येथे प्रवेश बंद करण्यात आला असुन सदरची वाहने बदलापुर चौक-खोणी नाका-तळोजा एम.आय.डी.सी. मार्गे इच्छित स्थळी जातील अशी सूचना वाहतूक विभागाने काढली आहे. सदर अधिसुचना हलक्या वाहनांना ( Light Vehical ) लागू नसल्याचे वाहतूक विभागातर्फे सांगण्यात आले.

Edited By : Krushnarav Sathe