कल्याण : कल्याणात वाहतुकीचे नियम मोडणाऱ्या वाहनचालकांची जनजागृती करण्यासाठी कल्याण वाहतूक पोलिसांनी (Traffic Police) जबरदस्त आयडिया शोधली आहे. वाहतूकीच्या नियमांची पायमल्ली करणाऱ्यांनाच पोलिसांनी वाहतूकीचे नियम शिकवण्यासाठी भाग पाडलं आहे. कल्याणच्या (Kalyan) छत्रपती शिवाजी महाराज चौकातील दुर्गाडी किल्ल्याजवळ नियम मोडणाऱ्या वाहनचालकांना हातात फलक धरून जनजागृती (Awareness) करण्यास सांगितले गेले. जनजागृती करणारे फलक १५ मिनिटे हातात धरा किंवा ५०० रुपये दंड भरा अशी अट घालत वाहतूक पोलिसांकडून जनजागृती करण्यात आली. (Hold the board otherwise give 500 rupees penalty The idea of the traffic police to create awareness in kalyan)

हे देखील पाहा -

वाहनचालकांकडून सर्रासपणे वाहतूकचे नियम मोडले जात आहेत. यामध्ये लायसन्स न बाळगणे, सिग्नल तोडणे, वाहन चालवताना मोबाईल फोनवर बोलणे यामुळे अपघाताच्या प्रमाणात वाढ झाली आहे. यामुळेच आज कल्याण दुर्गाडी किल्ल्याजवळ अपघात टाळण्यासाठी वाहतूकीचे नियम मोडणाऱ्या वाहनचालकांना हातात फलक धरून वाहतूक कर्मचारी आणि वाहतूक विभागाचे वरिष्ठ पोलीस निरीक्षक मोहन तरडे यांच्याकडून समुपदेशन करत वाहनचालकांमध्ये जनजागृती करण्यात आली.

Edited By - Akshay Baisane