मयूर राणे, साम टीव्ही मुंबई

वरळीत 'हिट अॅण्ड रन'ची घटना घडल्याचं समोर आलंय. मच्छी आणण्यासाठी एक कोळी दांपत्य घराबाहेर पडलं होतं. त्यावेळी त्यांच्या दुचाकीला एका चारचाकी गाडीने पाठीमागून धडक दिली अन् दांपत्याला फरफटत नेलं. आज पहाटे साडेपाच वाजेच्या सुमारास वरळीतील अॅट्रीया मॉलजवळ ही घटना घडली.

नक्की कसा झाला अपघात?

वरळी कोळीवाडा परिसरात राहणारे नाकवा दांपत्य हे त्यांच्या दुचाकीवरून आज भल्या सकाळी ससून डॉकला मच्छी आणण्यासाठी गेले होते. मच्छी घेऊन परतत असताना एका फोरव्हिलरने त्यांच्या दुचाकीला मागून धडक (Hit And Run) दिली. दुचाकीवर मच्छी मोठ्या प्रमाणात असल्याने गाडीचे नियंत्रण सुटलं अन् ते दोघंही चारचाकी गाडीच्या बोनटवर पडले.

भरधाव चारचाकीची दुचाकीला धडक

वेळीच नवऱ्याने गाडीच्या बोनटवरून बाजूला उडी (Worli Accident) टाकली. मात्र, महिलेला स्वत:ला बाजूला होता आलं नाही. अशातच अपघातामुळे घाबरलेल्या चारचाकी चालकाने गाडी पळवली. त्यात कोळी महिला फरफटत गेली. या महिलेला उपचारासाठी नायर रुग्णालयात दाखल करण्यात आलं होतं. परंतु डॉक्टरांनी तपासून या महिलेला मृत घोषित (Accident News) केलंय.

'हीट अॅण्ड रन'ची धक्कादायक घटना

या अपघातात कार चालक पळून गेला आहे. या प्रकरणी वरळी पोलीस अधिक तपास करत (Bike Car Accident) आहे. १८ मे रोजी पुण्यात हीट अॅण्ड रनची धक्कादायक घटना घडली. त्यानंतर नागपूर अन् मु्ंबईतून देखील असे अपघात झाल्याचं समोर आलंय. या अपघाताने मात्र वरळी चांगलीच हादरली आहे. चारचाकीने दिलेल्या धडकेत महिलेनं जीव गमावला आहे.