भरत मोहळकर, साम टीव्ही

मुंबई : अचानक तुमच्या छातीत दुखल्यामुळे तुम्ही हॉस्पिटलला जाता आणि तुम्हाला हृदयात स्टेंट टाकायला सांगितलं असेल तर जरा थांबा.... कारण सध्या देशात अँजिओप्लास्टीच्या रॅकेटचा धुमाकूळ सुरुय. आयुष्यमान योजनेंतर्गत मिळणारे उपचाराचे पैसे लाटण्यासाठी एजंटच्या माध्यमातून सुरू असलेला अँजिओप्लास्टीच्या गोरखधंद्याचा पर्दाफाश झालाय.

गुजरातमधील ख्याति मल्टी स्पेशालिटी हॉस्पिटलच्या माध्यमातून रोग निदान शिबीराचं आयोजन करण्यात आलं होतं.. या शिबीरात 90 लोकांची तपासणी करण्यात आली.. त्यातील 19 रुग्णांची नकली अँजिओप्लास्टी करत 7 रुग्णांच्या हृदयात स्टेंट टाकल्याचा धक्कादायक प्रकार समोर आलाय...तर यापैकी 2 रुग्णांचा मृत्यू झाल्याने हा घोटाळा उघड झालाय...मात्र अँजिओप्लास्टीची गरज नेमकी कधी असते? पाहूयात...

अँजिओप्लास्टीची गरज कधी असते?

रक्तवाहिन्यांमध्ये 70% पेक्षा जास्त ब्लॉकेज असल्यास

चालताना धाप लागत असेल तर

छातीत जास्त वेदना होत असल्यास अँजिओप्लास्टीची आवश्यकता

पायऱ्या चढल्यानंतर आणि वजन उचलल्यानंतर छातीत कळ येत असल्यास

अँजिओप्लास्टीचा सुळसुळाट सुरु असल्यानेच डॉक्टरांनी आपल्या सेकंड ओपिनियन पर्यायाचा वापर करण्याचा सल्ला दिलाय. भारतात अँजिओप्लास्टीचे कुठलेही नियम नाहीत. भारतात दरवर्षी साडे चार लाख रुग्णांवर अँजिओप्लास्टी केली जाते. तर अनेकदा गरज नसताना अँजिओप्लास्टी केल्याने रुग्णांचा जीव गेल्याच्या घटनाही घडल्या आहेत.. त्यामुळे सरकारने शस्त्रक्रियेचे नियम आणि स्टँडर्ड ठरवून हा पैशासाठीचा गोरखधंदा रोखायला हवा.