कल्याण :  कल्याण (Kalyan) पश्चिमेकडील चिकनघर परिसरामध्ये असणाऱ्या निखिल हाईट्स या हाय प्रोफाइल सोसायटी मधील एक धक्कादायक घटना समोर आली आहे. या सोसायटीमध्ये राहणाऱ्या एका सेवा निवृत्त मोटरमनचा मृतदेह आढळला आहे.

हे देखील पहा -

निखिल हाईट्स या सोसयटीमध्ये बनोरिया कुटुंब चौथ्या मजल्यावरती रहातात. मात्र काहीतरी कौटुंबिक वादातून प्रमोद बनोरिया सेवानिवृत्त मोटरमन यांनी पत्नी आणि मुलाला जखमी केले आणि नंतर स्वतःला संपवलं असल्याचं मृत प्रमोद यांचा मुलगा लोकेश याने पोलिसांना सांगितलं. सदर घटना ही रात्री घडली असल्य़ाचा पोलिसांचा अंदाज असून या घटनेबाबत पोलिसांनी जखमी लोकेशकडून चौकशी केली असता त्याने सांगितले, 'वडिलांनी आधी आम्हाला जखमी केलं त्यानंतर त्यांनी स्वतःला देखील संपवलं.' असल्याची खळबळजणक महिती त्याने पोलिसांनां (Police) दिली.

दरम्यान या संपुर्ण घटनेबाबत कल्याणचे DCP सचिन गुंजाळ आणि ACP उमेश माने पाटील यांनी घटनास्थळी भेट दिली असून या प्रकरणाचा तपास सुरु केला असल्याचे सांगितंल. तसेच ही घटना कौटुंबिक वादातून घडल्याचा प्राथमिक अंदाज व्यक्त केला आहे. मात्र तपासानंतर या घटनेमधील तथ्य व काय ते समोर येईल. असं एसीपी उमेश माने पाटील यांनी सांगितले.

Edited By - Jagdish Patil