कोरेगांव-भिमा, पुणे: ओमिक्रॉनची भीती दाखवून केंद्र आणि राज्य सरकारवर टीका करत सरकार निवडणुका पुढे ढकलू पाहत असल्याचा गंभीर आरोप आनंदराज आंबेडकरांनी (Anandraj Ambedkar) केला आहे. तसेच ओमिक्रॉनचा (Omicron) धोका जास्त नसल्याने या वर्षीचा कोरेगाव भिमा (Koregaon - Bhima) येथे १ जानेवारीचा विजयस्तंभावरील शौर्यदिन हा लाखोंच्या जनसमुदायाने संपन्न होणार असल्याचं आनंदराज आंबेडकर यांनी यावेळी बोलताना स्पष्ट केलं आहे. (Government's ploy to postpone elections for fear of Omicron - Anandraj Ambedkar)

हे देखील पहा -

डॉ. बाबासाहेब आंबेडकर यांचे नातू व रिपब्लिकन सेनेचे सरसेनानी आनंदराज आंबेडकर यांनी आज कोरेगाव-भीमा विजयस्तंभाला अभिवादन केल्यानंतर माध्यमांशी बोलताना केंद्र आणि राज्य सरकारवर टीकास्त्र सोडलं आहे. ओमिक्रॉनची भीती दाखवून केंद्र आणि राज्य सरकार निवडणुका (Elections) पुढे ढकलू पाहत आहे असा गंभीप आरोप त्यांनी यावेळी केला आहे. दरम्यान भारतातही ओमिक्रॉन रुग्णांची संख्या वाढत असून कालपर्यंत (२६ डिसेंबर) देशात ४४२ कोरोना रुग्ण होते, यात सर्वात जास्त रुग्णसंख्या महाराष्ट्रातच आहे.

Edited By - Akshay Baisane