संजय गडदे, साम टिव्ही

मुंबईतून एक धक्कादायक बातमी समोर येत आहे. मुंबईत रेल्वे स्टेशन परिसरात अनधिकृत भाजीवाल्यांची दादागिरी पाहायला मिळत आहे. यांची दादागिरी मोठ्या प्रमाणात वाढली असून, याचा परमोच्च बिंदू गोरेगाव पश्चिम येथे पाहायला मिळत आहे. गोरेगाव पश्चिम रेल्वे स्टेशनबाहेर दोन भाजीविक्रेत्या टोळ्यांमध्ये तुफान हाणामारी झाली. या हाणामारीत एका भाजीविक्रेत्याचा जागीच दुर्देवी मृत्यू झाला.

भरदिवसा बेस्ट डेपोवरच ही धक्कादायक घटना घडली. यामुळे परिसरात भीतीचं वातावरण आहे. मुकेश ब्रिजमोहन कोरी, ब्रिजमोहन देवताप्रसाद कोरी आणि सुशील ब्रिजमोहन कोरी अशी आरोपींची नावे आहेत. या प्रकरणाची माहिती पोलिसांना मिळताच त्यांनी तातडीने घटनास्थळी धाव घेतली. तसेच तपासाला सुरूवात केली. गोरेगाव पोलिसांनी या प्रकरणात तिघांवर गुन्हा दाखल करून त्यांना अटक केली आहे.

प्राथमिक माहितीनुसार, २ भाजीवाल्या टोळींमध्ये जुन्या वादातून सतत भांडणं होत. जुन्या वादातील कारणांवरून भांडण चिघळले. याच वादातून एकाची निर्घृण हत्या करण्यात आली. गोरेगाव पश्चिम स्टेशन परिसरात मोठ्या प्रमाणात अनधिकृत भाजीवाल्यांचे जाळे पसरलेले आहे. या फेरीवाल्यांविरोधात अनेक वेळा तक्रारी केल्या. तरीही मुंबई महानगरपालिकेकडून कोणतीही ठोस कारवाई न झाल्याचा

गोरेगाव पश्चिम स्टेशन परिसरात मोठ्या प्रमाणात अनधिकृत भाजीवाल्यांचे जाळे पसरलेले आहे. या फेरीवाल्यांविरोधात अनेक वेळा तक्रारी केल्या. तरीही मुंबई महानगरपालिकेकडून कोणतीही ठोस कारवाई न झाल्याचा स्थानिकांचा आरोप आहे. दरम्यान, या हाणामारीनंतर स्थानिक नागरिकांमध्ये पालिकेविरोधात प्रचंड नाराजी उसळली आहे.