मयुरेश कडव, साम टीव्ही मुंबई

छत्रपती संभाजीनगर ते पुणे प्रवास करणाऱ्यांसाठी अत्यंत मोठी आणि महत्वाची बातमी आहे. संभाजीनगर ते पुणे प्रवास सुसाट होणार असून 225 किलोमीटरचे अंतर आता सव्वादोन तासांतच गाठता येणार आहे. एनएचएआय आणि एमएसआरडीसीने या दोन्ही शहरांना जोडणाऱ्या प्रस्तावित ग्रीन फील्ड महामार्गाचं अलाइनमेंट पूर्ण झालं आहे. येत्या काही महिन्यांतच हा महामार्ग समृद्धी महामार्गाला जोडला जाणार आहे.

कसा असेल संभाजीनगर-पुणे महामार्ग?

• छत्रपती संभाजीनगर ते पुणे नवीन महामार्ग हा 225 किमी लांबीचा असणार आहे.

• पुण्याच्या केसनंद गावापासून शिरूरपर्यंत 53 किमीचा उड्डाणपूल असेल.

• या उड्डाणपुलासाठी एकूण 7,515 कोटींचा खर्च करण्यात येणार आहे.

• छत्रपती संभाजीनगर ते शिरूरपर्यंत 4 टोलनाके असतील.

• अहमदनगर आणि तिथून पुढे संभाजीनगरमार्गे समृद्धीला जोडणार आहे.

या महामार्गाचा प्रस्ताव अंतिम झाल्यास बिडकीन नोड थेट समृद्धी महामार्गाला जोडला जाणार आहे. त्यामुळे नागपूर ते जालना आणि पुढे छत्रपती संभाजीनगर ते पुणे प्रवास सुस्साट आणि कमी वेळेत समृद्धी महामार्गावरून करणं शक्य होणार आहे.