मुंबई - मुंबई शहर सायबर पोलिसांनी (Mumbai Cyber Police) माहीम येथील एका १६ वर्षीय तरुणीला तिच्या प्रियकराच्या एक्स गर्लफ्रेंडचे नग्न छायाचित्रे सोशल मीडियावर अपलोड केल्याप्रकरणी ताब्यात घेतले आहे. या घटनेची पोलिसांना तक्रार करणारी अल्पवयीन मुलगी, तिचा प्रियकर आणि त्याची एक्स गर्लफ्रेंड हे सर्व माहीमचे रहिवासी आहेत.

या घटनेबाबाद एका पोलीस (Police) अधिकाऱ्याने सांगितले की, "ती एका तरुणासोबत रिलेशनशिपमध्ये असताना हे खाजगी फोटो काढण्यात आले होते. त्यानंतर दोघांचे ब्रेकअप झाले आणि त्याचे एका अल्पवयीन मुलीसोबत प्रेमसंबंध जुळले.

हे देखील पहा -

इंस्टाग्रामवर कोणीतरी आपले नग्न छायाचित्रे अपलोड केल्याचे समजल्यानंतर तक्रारदार महिलेने गेल्या वर्षी ऑक्टोबरमध्ये पोलिसात तक्रार दाखल केली होती.पोलिसांनी अज्ञात संशयिताविरुद्ध एफआयआर नोंदवला होता.

पोलिसांनी प्रथम तक्रारदाराची वैयक्तिक छायाचित्रे अॅपवरून काढून टाकली. सुरुवातीला या कृत्यामागे तक्रारदाराच्या माजी प्रियकराचा हात असल्याचा संशय पोलिसांना होता, मात्र नंतर ही नग्न छायाचित्र अपलोड करणाऱ्याचा फोन नंबर पोलिसांच्या हाती लागला तेव्हा ती व्यक्ती दुसरी कोणी नसून अल्पवयीन मुलगी असल्याचे आढळून आले. दरम्यान या प्रकरणी अल्पवयीन मुलीला डोंगरी येथील बाल न्याय मंडळासमोर हजर करण्यात येणार आहे.

Edited By - Shivani Tichkule