Ghatkopar Hoarding Case Saam Tv
मुंबई/पुणे

Ghatkopar Hoarding Case: घाटकोपर होर्डिंग दुर्घटना प्रकरण, गोव्यातून आणखी दोघांना अटक

Ghatkopar Hoarding Collapsed Case: घाटकोपर येथे १३ मे रोजी वादळी वाऱ्यासह झालेल्या पावसामुळे मोठे होर्डिंग पेट्रोल पंपावर कोसळल्याची घटना घडली होती. यामध्ये १७ जणांचा दुर्दैवी मृत्यू झाला होता. या प्रकरणी आणखी दोघांना अटक करण्यात आली आहे.

Priya More

सचिन गाड, मुंबई

घाटकोपर होर्डिंग दुर्घटना प्रकरणात (Ghatkopar Hoarding Case) मोठी अपडेट समोर आली आहे. याप्रकरणी मुंबई पोलिसांनी आणखी दोघांना अटक केली आहे. मुंबई गुन्हे शाखेच्या एसआयटीने इगो मीडियाची पूर्व संचालक जान्हवी मराठेला अटक केली. जान्हवी मराठेसह कंत्राटदार सागर कुंभारला देखील पोलिसांनी अटक केली आहे. गोव्यामधून या दोघांना पोलिसांनी अटक केली . याप्रकरणाचा तपास मुंबई पोलिसांच्या गुन्हे शाखेकडून सुरू आहे.

मिळालेल्या माहितीनुसार, घाटकोपर होर्डिंग दुर्घटनेतील मुख्य आरोपी भावेश भिंडे याच्या इगो मीडिया कंपनीची पूर्व संचालक जान्हवी मराठेला पोलिसांनी अटक केली आहे. सत्र न्यायालयाने अटकपूर्व जमीन फेटाळल्यापासून गुन्हे शाखेचे अधिकारी जान्हवीच्या मागावर होते. अखेर गोव्यातून गुन्हे शाखेच्या पथकाने तिला अटक केली. जान्हवीसोबत कंत्राटदार सागर कुंभारला देखील पोलिसांनी अटक केली.

घाटकोपर येथील दुर्घटनाग्रस्त झालेलं होर्डिंग बांधल्याचा सागर कुंभारवर आरोप आहे. रविवारी जान्हवी मराठे आणि सागर कुंभारला कोर्टात हजर केले जाणार आहे. जान्हवी मराठे ही डिसेंबर २०२३ पर्यंत इगो मीडियाची संचालक होती. याच काळात घाटकोपर येथील दुर्घटनाग्रस्त झालेले होर्डिंग उभारण्यात आले होते. त्यामुळे याप्रकरणात तिला अटक करण्यात आली आहे. पोलिसांकडून आता या दोघांची कसून चौकशी सुरू आहे.

मुंबईमध्ये १३ मे रोजी वादळी वाऱ्यासह मुसळधार पाऊस पडला होता. या पावसामुळे घाटकोपरच्या इस्टर्न एक्स्प्रेस हायवेजवळ असलेल्या पेट्रोल पंपावर भलेमोठे होर्डिंग कोसळले होते. या दुर्घटनेमध्ये १७ जणांचा दुर्दैवी मृत्यू झाला होता. ७४ जण जखमी झाले होते. याप्रकरणी घटनेच्या तिसऱ्या दिवशी मुख्य आरोपी भावेश भिंडेला पोलिसांनी राजस्थानच्या जयपूरमधून अटक केली होती. त्यानंतर याप्रकरणात पोलिसांनी मनोज संघु नावाच्या स्ट्रक्चरल इंजिनिअरला अटक केली होती. सध्या हे दोघेही पोलिस कोठडीत आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Who is Sushil Kedia: राज ठाकरेंना ट्विट करत धमकी देणारे सुशील केडिया कोण आहेत?

उपवासात मिळवा चव आणि पोषण यांचा मेळ; बनवा ही खास इडली

Dharashiv : आदिवासी समाजावर ग्रामपंचायतीचा सामाजिक बहिष्कार; सरपंच व ग्रामसेवकावर कारवाईची मागणी

Maharashtra Live News Update: सोलापुरात नोकरी न मिळाल्याने शेतकऱ्याची आत्महत्या

MNS Warns Sushil Kedia : ५ तारखेनंतर काय करायचं ते करू; राज ठाकरेंना धमकी देणाऱ्या केडियांना मनसेचं ओपन चॅलेंज

SCROLL FOR NEXT