Konkan Alternatives Route:

गणेशोत्सव काळात मोठ्या प्रमाणात कोकणातील चाकरमानी जे मुंबईसह राज्यातील इतर जिल्ह्यांमध्ये आहेत, ते गावाकडे येतात. यातच मुंबई-गोवा महामार्गावर गणेशभक्तांमुळे मोठ्या प्रमाणात वाहतूक कोंडी होते.

अशातच तुम्ही वाहतूक कोंडी टाळून, तसेच सुरक्षित आणि कमी वेळात आपल्या गावाकडे जाता यावं, यासाठी पर्यायी मार्गाचा उपयोग करू शकता. याचबद्दल आपण सविस्तर माहिती जाणून घेणार आहोत.

खोपोली-पाली – वाकण मार्ग

गणेशोत्सवासाठी कोकोकणात जाण्यासाठी तुम्ही पनवेल शहरातील वाहतूक कोंडी टाळण्यासाठी कळंबोली-पनवेल बायपास ते पळस्पे फाटा आणि मुंबई पुणे एक्स्प्रेस वे वरून खोपोली-पाली – वाकण मार्गाचा वापर करू शकता. (Latest Marathi News)

रत्नागिरी, सिंधुदुर्गात आणि चिपळूणला जाण्यासाठी कोणते आहेत पर्यायी मार्ग?

रत्नागिरी, सिंधुदुर्गात आणि चिपळूणला जाण्यासाठी मुंबई पुणे एक्स्प्रेस वे मार्गे सातारा-उंब्रज-पाटण- कोयना नगर- कुंभार्ली घाट मार्गे खेर्डी-चिपळून रस्त्याचा वापर करू शकतात. तसेच हातखंबा येथे जाणाऱ्यांनी मुंबई पुणे एक्स्प्रेस वे मार्गे सातारा-कराड-वाठार-टोप- मलकापूर-शाहूवाडी- आंबाघाट मार्गे लांजा – राजापूर मार्गाचा वापर करू शकतात.  (Utility News)

कणकवली

मुंबई पुणे एक्स्प्रेस वे मार्गे सातारा-कराड-कोल्हापूर शहरातून रंकाळा तलावावरून कळे-गगनबावडा घाट मार्गे वैभववाडीहून कणकवली जात येऊ शकतं.

सावंतवाडी

मुंबई येथून सावंतवाडी गाठण्यासाठी मुंबई पुणे एक्स्प्रेस वे मार्गे सातारा- कराड-कोल्हापूर-निपाणी- आजरा-आंबोली घाट मार्गे सावंतवाडीला जाऊ शकता.