ऐकलंत...ठाकरेसेनेला डिवचण्यासाठी एकनाथ शिंदे आपल्या अनेक भाषणांमध्ये हा डायलॉग बोलल्याशिवाय राहत नाही....मात्र आता त्यांची हीच टोलेबाजी त्यांच्या मित्रपक्षाच्या नेत्यांनी त्यांच्यावरच उलटवलीय. नवी मंबई महापालिकेच्या निवडणुकीत महायुतीतच काँटे की टक्कर रंगलीय.. भाजपचे मंत्री गणेशन नाईकांनी तर थेट एकनाथ शिंदेंचा टांगा पल्टी करुन घोडे बेपत्ता करण्याचा इशारा दिलाय... त्यामुळे नाईक विरुद्ध शिंदे यांच्यातील जुन्या दुश्मनीला नवा रंग चढलाय.... तर शिंदेसेनेचे मंत्री शंभुराज देसाईंनीही गणेश नाईकांच्या टीकेला जशास तसं उत्तर दिलंय..

खरंतर एकनाथ शिंदे आणि गणेश नाईक यांच्यातील संघर्ष जुना आहे.. त्यातच महायुती सत्तेत आल्यानंतर भाजपनं शिंदेंना शह देण्यासाठी नाईकांना ताकद दिली... आणि त्यामुळेच नाईक-शिंदे संघर्षाची ठिणगी पडली..मात्र नवी मुंबई महापालिकेत शिंदेसेनेनं भाजपसोबत युती करण्याचा प्रयत्न केला तो फेल ठरला.. त्यानंतर शिंदेंनी नवी मुंबईत जाऊन नाईकांना आव्हान देत परिवर्तनाचा नारा दिला... त्यामुळे नाईक आणखीच चिडलेत..

नवी मुंबई महापालिकेत 111 नगरसेवक आहेत... त्यापैकी गणेश नाईकांच्या नेतृत्वातील तत्कालीन राष्ट्रवादीचे 52, संयुक्त शिवसेनेचे 38, काँग्रेस 10 तर भाजपचे 6 नगरसेवक होते..

मात्र 2019 मध्ये नाईकांनी भाजपमध्ये प्रवेश केला..आणि त्यांच्यासोबत नवी मुंबईची सत्ताही भाजरपच्या ताब्यात आली.

नवी मुंबईत गणेश नाईक विरुद्ध एकनाथ शिंदे हा संघर्ष तीव्र झाल्यानं मतदार शिंदेंचा टांगा पल्टी करणार की नाईकांचा? याकडे राज्याचं लक्ष लागलंय.