Mumbai News : मुंबईतून एक धक्कादायक घटना समोर आली आहे. तीन लहान मुलींना खेळता खेळता विजेचा शॉक लागला. या घटनेत एका मुलीचा मृत्यू झाला आहे, तर दोन मुलींवर रुग्णालयात उपचार सुरु आहेत. वाकोल्यातील डवरीनगर परिसरात ही दु्र्देवी घटना घडली आहे.

मिळालेल्या माहितीनुसार, काल संध्याकाळची ही घटना आहे. तीन मुली आपल्या घराजवळ एकत्र खेळत होत्या. खेळता खेळता त्यांनी लोखंडी खांबाला स्पर्श केला, ज्या खांबामध्ये करंट उतरला होता. मुलींला शॉक लागल्याचं स्थानिकांना समजताच मुलींना तातडीने रिक्षामधून व्हीएन देसाई रुग्णालयात नेले. (Latest Marathi News)

तिथे एका मुलीला डॉक्टरांना मृत घोषित केलं. तर इतर दोन मुलींचा तब्येत बरी असून त्यांच्यावर उपचार सुरु आहे. शहरीन परवीन इफ्तेकर शेख असं सात वर्षीय मुलीचं नाव आहे. तनिष्का शिंदे (वय ५ वर्ष), वैष्णवी माळवे (9 वर्ष) असं इतर दोन मुलींची नावं आहेत.

अँडरग्राउंड केबल लोखंडी खांबाला स्पर्श करत असल्याने वीज प्रवाह त्या खांबात उतरला होता. याप्रकरणी वाकोला पोलिसांनी देखरेखीचं काम पाहणाऱ्या कंत्राटदारावर गुन्हा दाखल केला.