मुंबई: आयएनएस विक्रांत वाचवण्यासाठी लोकांकडून जमा केलेला निधी किरीट सोमय्यांनी करण्यात केला आहे. देशासाठी बलिदान करणाऱ्यांचा असा अपमान करणाऱ्या किरीट सोमय्यांची वकिली करण्यापेक्षा देवेंद्र फडणवीस (Devendra Fadnavis) यांनी त्यांना चार जोडे हाणले पाहिजे अशा शब्दात शिवसेना नेते खासदार संजय राऊत यांनी केला आहे.

हे देखील पहा-

आयएनएस विक्रांतसाठी जमा केलेला निधी किरीट सोमय्या (Kirit Somaiya) यांनी हडप केल्याचा आरोप संजय राऊत यांनी यावेळी केला आहे. राज्यपाल कार्यालयाकडून आलेल्या माहितीच्या अधिकारातून मिळालेल्या माहितीच्या आधारे त्यांनी हा आरोप केला आहे. यानंतर आता शिवसेना- भाजप राजकीय संघर्ष आता आणखी पेटण्याची शक्यता आहे.संजय राऊत यांनी नवी दिल्लीतील पत्रकार परिषदेत सांगितले आहे की, सोमय्या यांनी देशासाठी बलिदान करणाऱ्यांच्या अपमान केला असून त्यांची कृती देशद्रोहीपणाची आहे. मात्र, देशभक्तीचे गीत गाणारे, देशभक्तीचा दाखला देणारे देवेंद्र फडणवीस यांनी देशद्रोहीपणा करणाऱ्यांची बाजू घेतली.

देवेंद्र फडणवीस यांच्या या पावित्र्याने स्वर्गीय गोळवलकर गुरुजी, देवरस, रज्जू भैय्या, श्यामाप्रसाद मुखर्जी यांचा आत्मा तीळ तीळ तुटत असेल. मोहन भागवत यांनादेखील वाईट वाटत असेल असेही राऊत यांनी म्हटले. आयएनएस विक्रांतच्या या भ्रष्टाचाराची व्याप्ती मोठी आहे. आयएनएस विक्रांतसाठी देशभरातून पैसे जमा केले. आयएनएस विक्रांतसाठी 200 कोटी ठरवण्यात आले. त्याहून अधिक पैसे जमा झाले असल्याची माहिती असल्याचे राऊत यांनी म्हटले.