मुंबई - युनायटेड इंडिया इन्श्युरन्स कंपनीत १७० कोटींच्या गैरव्यवहाराप्रकरणी ईडीकडून (ED) पती-पत्नीवर गुन्हा दाखल करण्यात आला आहे. देशातील प्रसिद्ध विमा कंपनी 'युनायटेड इंडिया इन्श्युरन्स कंपनी'त हे दोघं होते कामाला होते. दोघांनीही गैरव्यवहारातील रकमेतून मालमत्ता खरेदी केल्याचे निष्पन्न झाले आहे.आरोपी कुशल सिंह(३९) व त्याची पत्नी नीलम सिंह अशी या दोघांची नावे आहेत.

हे देखील पहा -

दोघेही कंपनीत सहाय्यक व्यवस्थापक म्हणून कामाला होते. कुशल हा कंपनीच्या चर्चगेट येथील कॉर्पोरेट शाखेत अकाउंट्स विभागात काम करत होता. २१ संशयीत व्यवहारांद्वारे ही रक्कम या खात्यांमध्ये जमा करण्यात आल्याचे विभागीय चौकशीत निष्पन्न झाले. आरोपींनी ७० खात्यांमधून १७० कोटी रुपये काढल्याचे तपासादरम्यान निष्पन्न झाले होते.

फसवणुकीच्या पैशातून आरोपींनी उत्तर भारतात जमीन व मालमत्ता खरेदी केल्याचे प्राथमिक तपासात निष्पन्न झाले आहे. कंपनीचे उपव्यवस्थापक जयदीप सिन्हा यांनी दिलेल्या तक्रारीनुसार आर्थिक गुन्हे शाखेने गुन्हा नोंदवला आहे. कंपनीच्या करंट अकाउंटमध्ये अनियमितता असल्याने विभागीय चौकशीत बाब उघडकीस आली. या प्रकरणी आर्थिक गुन्हे शाखा अधिक तपास करत आहेत.