Police Constable Smuggling Drugs:

पुण्याच्या येरवडा मध्यवर्ती कारागृहानंतर मुंबईतील आर्थर रोड कारागृह ड्रग्जमुळे चर्चेत आले आहे. या मध्यवर्ती कारागृहातील पोलीस हवालदारचं कैद्यांना ड्रग्ज पुरवत असल्याची घटना समोर आलीय. या प्रकरणी पोलीस हवालदाराला अटक करण्यात आलीये. विवेक नाईक असं या पोलीस हवालदाराचं नाव आहे. सूत्रांनी दिलेल्या माहितीनुसार, विवेक नाईक याला कारागृहात ७१ ग्रॅम चरसची तस्करी करताना पकडण्यात आलं. (Latest News)

या पोलीस हवालदाराविरोधात एन.एम जोशी पोलीस ठाण्यात गुन्हा नोंदवण्यात आलाय. एनडीपीएस कायद्याच्या संबंधित कलमान्वये या हवलदारावर गुन्हा दाखल करण्यात आलाय. काही दिवसांपूर्वी पुण्याच्या येरवडा कारागृहात अंमली पदार्थांची तस्करी होत असल्याचे वृत्त समोर आले होते. आता मुंबईतील आर्थर रोड कारागृहात देखील अंमली पदार्थांची तस्करी होत असल्याचा प्रकार समोर आला. पोलीस हवालदार नाईक याला आर्थर रोड कारागृहाच्या चकिंग गेटवर पकडण्यात आलं.

ावेळी त्याने चरसच्या कॅप्सूल पॅक करून त्याच्या अंतर्वस्त्रांमध्ये लपवून ठेवल्या होत्या. त्याच्याकडून सुमारे ८ कॅप्सूल सापडले. आरोपी नाईकला हे ड्रग्ज राहुल नावाच्या कैद्याने दिले होते. नाईक हे कॅप्सूल अतिसुरक्षा सर्कल दोनमधील आरोपी राशीद याला द्यायचे होते. पण त्याचवेळी त्याला कारागृहातील पोलीस अधिकाऱ्यांनी पकडले आणि त्याला अटक केली.

ोलीस कर्मचाऱ्यांनी त्याला पकडल्यानंतर त्याने तपासणाऱ्या पोलीस हवालदाराच्या हाताचा चावा घेतला. त्यानंतर पळून जाण्याचा प्रयत्न केला. पण मुख्य गेटवर असणाऱ्या पोलीस कर्मचाऱ्यांनी त्याला पकडले. हवालदाराला अटक केल्यानंतर त्याला न्यायालयात हजर करण्यात आले. त्यावेळी त्याला ५ दिवसांची पोलीस कोठडी सुनावण्यात आली. दरम्यान आरोपी नाईक हा आर्थर रोड कारागृहातील अंडा सेलमध्ये एका कैद्याला ड्रग्ज पुरवत असल्याची माहिती सूत्रांनी दिली.