मावळ : संत तुकाराम सहकारी साखर कारखान्याचे संचालक ज्ञानेश्वर तथा माऊली दाभाडे यांची पुणे जिल्हा मध्यवर्ती सहकारी बँकेच्या (pune dcc bank election) संचालकपदी पाचव्यांदा निवड झाली आहे. भारतीय जनता पक्षाच्या तिन्ही उमेदवारांचे अर्ज छाननीत बाद झाल्याने माऊली दाभाडेंचा मार्ग सुकुर झाला. त्यामुळे पुणे (pune) जिल्हा मध्यवर्ती सहकारी बॅंकेच्या (dcc bank) निवडणुकीपुर्वीच भाजपला दणका बसल्याची चर्चा तालुक्यात रंगली आहे. pune distirct cooperative bank election latest news

माऊली दाभाडे यांच्या विराेधात भाजपाच्या शैलजा दळवी, माजी पंचायत समिती सदस्य शांताराम काजळे आणि तुकाराम भोईरकर यांनी अर्ज दाखल केले हाेते. या सर्वांचे अर्ज छाननीत बाद झाले आहेत. त्यामुळे माऊली दाभाडेंची बिनविराेध निवड मानली जात आहे. केवळ घाेषणेची आैपचारिकता बाकी आहे.

माउली हे संत तुकाराम सहकारी साखर कारखान्याचे संस्थापक संचालक आहेत. यापुर्वी त्यांनी कारखान्याची उपाध्यक्ष पदाची जबाबदारी समर्थपणे पेलली आहे. आता ते पाचव्यांदा पुणे जिल्हा मध्यवर्ती सहकारी बॅंकेत संचालक म्हणून जाणार असल्याने काॅंग्रेसच्या गाेटात आनंदाचे वातावरण आहे.

edited by : siddharth latkar