अंबरनाथ : सामाजिक न्याय मंत्री धनंजय मुंडे यांनी भाजप आमदार गोपिचंद पडळकर (MLA Gopichand Padalkar) यांच्यावरती जोरदार टीका केली आहे. ज्या व्यक्तीची कोणतीही किंमत नाही त्याने आपली किंमत वाढवण्यासाठी राज्याचे उपमुख्यमंत्री अजित पवार यांच्यावर टीका केली असल्याचे वक्तव्य धनंजय मुंडे यांनी केले आहे.

उपमुख्यमंत्री अजित पवार यांना मुख्यमंत्रीपदाचा चार्ज दिला तर ते चार दिवसात राज्य विकून टाकतील अशी टीका आमदार गोपिचंद पडळकर यांनी काल केली होती. पडळकरांच्या याच वक्तव्याबाबत धनंजय मुंडेंनी (Dhananjay Munde) प्रतिक्रिया दिली ते म्हणाले, 'ज्या व्यक्तीची कोणतीही किंमत नाही त्याने आपली किंमत वाढवण्यासाठी राज्याचे उपमुख्यमंत्री अजित पवार (DCM Ajit Pawar) यांच्यावर टीका केली.'

हे देखील पहा -

मुंडे हे अंबरनाथ मध्ये एका खाजगी भेटीसाठी आले असता आपलं मत व्यक्त केलं. तर दुसरीकडे मध्य प्रदेशात ओबीसी आरक्षणासंबंधी तिढा निर्माण होताच आता केंद्र सरकार त्याबाबत पुढाकार घेतांना दिसते आहे. तसेच माझी किंमत शून्य आहे, ज्यांच्या मागे लावाल त्याची किंमत वाढेल असे पंकजा मुंडे (Pankaja Munde) यांच्या टीकेला उत्तर देतांना धनंजय मुंडे म्हणाले.

Edited By Jagdish Patil