Ajit Pawar Latest Marathi News, Ajit Pawar on Devendra Fadnavis, NCP Latest News, Political News in Marathi Saam Tv
मुंबई/पुणे

देवेंद्र फडणवीसांचीही इतिहासात नोंद झाली असती; अजित पवारांचा खोचक टोला!

आज पुण्यात बोलताना अजित पवार यांनी राज ठाकरे आणि विरोधी पक्षनेते देवेंद्र फडणवीस यांच्यावर टीका केली.

अश्विनी जाधव-केदारी, साम टीव्ही, पुणे

पुणे : काही दिवसापासून मनसेच्या (MNS) मशिदींवरील भोंग्यावरुन राज्यातील राजकारण चांगलेच तापले आहे. मनसे अध्यक्ष राज ठाकरे यांनी ४ मेपर्यंतचा राज्य सरकारला अल्टीमेट दिला होता, मनसेने भोंग्याविरोधात राज्यभरात आंदोलन केलं. यावरुन उपमुख्यमंत्री अजित पवार यांनी राज ठाकरे यांच्यासह विरोधी पक्षनेते देवेंद्र फडणवीस यांच्यावर जोरदार टीका केली. ज्यांनी भोंग्यासंदर्भात आंदोलन केले, त्याच व्यक्तीने पुणे-मुंबईच्या टोल नाक्याविरोधात काही दिवसापूर्वी आंदोलन केलं होतं. या आंदोलनाला गर्दी झाली होती, पण याचं पुढं काय झालं? या व्यक्तीने जी जी आंदोलने केली ती फेलं गेली, अशी टीका अजित पवार यांनी राज ठाकरे (Raj Thckeray) यांचं नाव न घेता केली. (Ajit Pawar on Devendra Fadnavis)

दोन दिवसापूर्वी विरोधी पक्षनेते देवेंद्र फडणवीस यांनी बाबरी मशिद विषयी विधान केले होते. यावर अजित पवार यांनी फडणवीस यांच्यावर टीका केली.'१८५७ च्या लढ्यात झाशीची राणी, तात्या टोपे यांच्यासह लढले असते तर चांगली गोष्ट आहे, देवेंद्र फडणवीसांचीही इतिहासात नोंद झाली असती. त्यांच्या बोलण्याचे आपण स्वागत करु असा टोला अजित पवार यांनी लगावला.

भोंगा आंदोलनावर बोलताना अजित पवार (Ajit Pawar) म्हणाले, ज्यांनी भोंग्यासंदर्भात आंदोलन केले त्याच व्यक्तीने आपल्याच पुणे मुंबईच्या टोल नाक्यावर काही दिवसांपूर्वी आंदोलन केले होते. यावेळी गर्दी झाली होती पुढे काय झालं? या व्यक्तीने जी जी आंदोलनं केली ती नुकसानीची होती, टोलचं आंदोलन फेलं गेलं, असा टोला अजित पवार यांनी राज ठाकरेंना लगावला. मागे एकदा म्हणाले युपी बिहारवाले चले जाव, त्याने सर्व बांधकामं बंद पडली. शेवटी भूमिका बदलावी लागली. यावेळी त्यांनी भूमिका बदलली. काही व्यक्तींना न खर्च करता प्रसिद्धी मिळते, असा टोलाही लगावला.

भीमा कोरेगाव प्रकरणातील आरोप पत्रातून संभाजी भिडे यांचे नाव वगळल्या प्रकरणी बोलताना अजित पवार म्हणाले, आयोगाची चौकशी सुरू आहे, अहवाल आल्यानंतर त्यावर प्रतिक्रिया देणं योग्य ठरेल.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

काँग्रेसचे माजी प्रदेशाध्यक्ष, कॅबिनेट मंत्र्यांचे निधन; राजकीय वर्तुळात शोककळा

Fact Check: टीव्ही पाहाल तर किडनी गमवाल? लठ्ठपणा, डायबेटीज, ब्लडप्रेशरचाही धोका?

कावळ्याला वाटलं विजय आपलाच! पण शेवटच्या क्षणी गिधाडाने डाव पलटला; नेमकं काय घडलं?

Maharashtra News Live Update: लातूरमध्ये पाणी चोरी केल्या प्रकरणी गुन्हे दाखल,300 जणांना नोटिसा!

शेतकरी कर्जमाफीमध्ये मोठी अपडेट! OTS अंतर्गत पहिली यादी जाहीर; 1.69 लाख शेतकऱ्यांना संधी, यादीत तुमचं नाव आहे का?

SCROLL FOR NEXT