विकिपिडियावर छत्रपती संभाजी महाराजांबाबत आक्षेपार्ह उल्लेख असल्याची बाब समोर आल्यानंतर मुख्यमंत्री देवेंद्र फडणवीस आक्रमक भुमिका घेतलीय. विकिपिडियावरील आक्षेपार्ह मजकूर हटवून द्यावा असे आदेश मुख्यमंत्री फडणवीस यांनी दिलेत. छत्रपती संभाजीराजे यांच्याबाबतचे आक्षेपार्ह मजकुराची दखल राज्य सरकारकडून घेण्यात आलीय. आक्षेपार्ह मजकूर टाकणाऱ्यावर कारवाई करणार असं, मंत्री संजय शिरसाट यांनी माहिती दिलीय.

देवेंद्र फडणवीस यांनी सायबर सेलचे आयजी यशस्वी यादव यांना तातडीने मंत्रालयात बोलवून घेत विकिपिडीयावरील मजकूर हटवण्याचे आदेश दिलेत. विकिपीडियाशी संपर्क करून छत्रपती संभाजी महाराजांसंदर्भातील वादग्रस्त मजकूर काढून टाकावेत असं मुख्यमंत्र्यांनी सांगितलंय. छत्रपती संभाजी महाराज हे आमचे आदर्श आहेत. त्यांच्याबद्दल असे लेखन खपवून घेतलं जाणार नसल्याचं मुख्यमंत्री म्हणालेत.

दरम्यान छत्रपती संभाजी महाराज यांच्या विषयी विकिपीडियावर प्रकाशित करण्यात आलेला अपमान जनक मजकूर त्वरित काढून घेण्यात यावा या मागणीसाठी आज पिंपरी चिंचवड शहरातील भक्ती शक्ती प्रतिष्ठानने पिंपरी चिंचवडच्या पोलीस आयुक्तांना भेटून निवेदन दिलं. तसेच ज्या कुणी व्यक्तीने छत्रपती संभाजी महाराज विषयी विकिपीडियावर अपमान जनक मजकूर प्रकाशित केला त्याच्यावर योग्य कायदेशीर कारवाई करण्यात यावी अशी मागणी भक्ती शक्ती प्रतिष्ठानने केली आहे.