Dahisar Crime News:

राज्यातील चोरीच्या घटनांमध्ये सातत्याने वाढ होत आहे. चोरट्यांचा सुळसूळाट झाल्याने नागरिकांमध्येही भीतीचं वातावरण पसरलंय. अशात दहिसरमधून चोरीची अशीची एक घटना समोर आली आहे. या घटनेत पोलिसांनी आरोपी चोराच्या तुटलेल्या दातांवरून त्याची ओळख पटवलीये. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

एम एच बी येथे काही दिवसांपूर्वी एका चोराने इमारतीत शिरून तेथील अनेक घरांवर आपला हाथ साफ केला. चोरी करताना तो स्पायडरमॅनसारखा एका मजल्यावरून दुसऱ्या मजल्यावर झेप घेत होता. स्पायडरमॅन सारखी कला करून चोरी करणे या चोराला चांगलेच महागात पडले आहे.

शेवटच्यावेळी चोरी करताना हा चोर थेट तिसऱ्या मजल्यावरून खाली कोसळला. खाली पडताच त्याला मोठी दुखापत झाली. या अपघातात त्याच्या पायांना लागले. त्याचा एक पाय फॅक्चर झाला आणि पुढचे दोन दातही पडले. मात्र चोरी केलेला माल घेऊन तो तेथून पसार झाला.

पोलिसांना या घटनेची माहिती मिळताच त्यांनी घटनास्थळी धाव घेतली. यावेळी त्यांना बिल्डींगखाली दोन तुटलेले दात सापडले. पोलिसांनी सीसीटीव्ही कॅमेरा तपासला तेव्हा हे दात चोराचेच आहेत असं पोलिसांना समजलं. पुढे आपल्या तपासाचे चक्र पोलिसांनी वेगाने फिरवले.

चोराचा शोध घेण्यासाठी पोलिसांनी आसपासचे दवाखाने तपासले. तेथे चौकशी केली असता पोलिसांनी जवळचे दवाखाने आणि रुग्णालयात चौकशी केली त्यावेळी या चोरट्याचा तपास लागला. रोहित असं त्याचं नाव आहे. त्याच्यावर एकूण १९ गुन्हे दाखल आहेत.

आतापर्यंत डी एन नगर, कांदिवली, बोरिवली, वाकोला, सांताक्रूझ, दहिसर, कस्तुरबा मार्ग आणि इतरही अनेक पोलीस ठाण्यात त्याच्या विरोधात गुन्ह्यांची नोंद आहे.