पुणे : राज्य आपत्ती व्यवस्थापन प्राधिकरण 8 जानेवारी 2022 च्या आदेशात खालील आंशिक बदल जारी केले जात असून, 10 जानेवारी 2022 रोजी पासून 12 वाजल्यापासून लागू होतील आणि कोणताही नवीन आदेश जारी होईपर्यंत अंमलात राहतील.

1. नमूद केलेले प्रस्तावित निर्बंध हे लागू निर्बंध म्हणून समजले जातील.

2. सौंदर्य सलूनसाठी टेबलमध्ये नमूद केलेल्या निर्बंधांच्या अधीन राहून 50 टक्के क्षमतेसह उघडे राहण्याची परवानगी दिली जाईल . सोलून मध्ये मास्क काढता येणार नाही अश्याच सेवा सुरु राहतील. फक्त अशाच कामांना परवानगी असेल ज्यांना कोणाला मास्क काढण्याची गरज नाही. केवळ पूर्ण लसीकरण (Vaccination) झालेल्या व्यक्तींनाच या सेवा वापरण्याची परवानगी असेल. सलून मधील कर्मचारी पूर्णपणे लसीकरण केलेले असतील.

3. कोणतीही गतिविधी करताना मास्क वापरण्याच्या अटीवरच 50 टक्के क्षमतेसह जिम उघड्या ठेवण्याची परवानगी आहे. केवळ पूर्ण लसीकरण झालेल्या व्यक्तींनाच या सेवा वापरण्याची परवानगी असणार आहे. जिमचे सर्व कर्मचारी पूर्णपणे लसीकरण केलेले असतील. असे नवे नियम लागू करण्यात आले आहेत.

दरम्यान राज्यात काल नवे निर्बंध लागू करण्यात आले आहेत. आजपासून ते निर्बंध लागू होतील असे सरकारकडून सांगण्यात आले होते. परंतु जिम मालक आणि सलून वाल्यांनी याला विरोध केल्यानंतर राज्यसरकारने या नियमांमध्ये शिथिलता दिलेली आहे. राज्यात कोरोनाचे (Corona) रुग्ण, ओमिक्रॉनचा वाढता धोका लक्षात घेता सरकारने नवे निर्बंध लागू केले आहेत.

Edited By: Pravin Dhamale