मुंबई: राज्याचे विरोधी पक्षनेते देवेंद्र फडणवीस (Devendra Fadnvis) यांच्याविरोधात कॉंग्रेस आक्रमक झाली आहे. फडणवीस यांच्या सागर बंगल्यावर (Sagar Bunglow) आंदोलन करण्यासाठी कॉंग्रेस (Congress) कार्यकर्ते निघाले आहे. त्यामुळे पोलीसांनी फडणवीसाच्या सागर बंगल्यासमोर चोख बंदोबस्त केला आहे. सोबतच कॉंग्रेस प्रदेशाध्यक्ष नाना पटोले (Nan Patole) यांच्या घराबाहेरही पोलीसांच्या मोठा फौजफाटा आहे. संपुर्ण परिसराला छावणीचं स्वरुप आलं आहे. (Congress aggressive against Fadnavis; Strict police security outside Sagar Bungalow)

हे देखील पहा -

पंतप्रधान नरेंद्र मोदी (PM Modi) यांनी महाराष्ट्र कॉंग्रेसवर कोरोना पसरवल्याचा गंभीर आरोप केला होता. त्यानंतर विविध ठिकाणी आंदोलन झाले. त्यानंतर कॉंग्रेस प्रदेशाध्यक्ष नाना पटोले यांनी फडणवीसांच्या घराबाहेर आंदोलन करण्याचा इशारा केला होता. त्यांनतर भाजप आमदार प्रसाद लाड यांनी पटोलेंचा एकेरी उल्लेख केला होता तसेच भाजपही कॉंग्रेसविरोधात कार्यकर्ते आक्रमक झाले होते. हिंंमत असेल तर येऊनच दाखवा जशास तसं उत्तर दिलं जाईल असा इशारा भाजपने दिला होता. त्यानंतर कॉंग्रेस कार्यकर्ते आक्रमक झाले आहे. यासाठी पोलीसांनी चोख बंदोबस्त केला आहे.

Edited By - Akshay Baisane