Ambarnath News : अंबरनाथमध्ये एका कंपनील भीषण आग लागल्याची घटना समोर आली आहे. अंबरनाथ आनंदनगर एमआयडीसी परिसरात रासायनिक कंपनीला भीषण आग लागली आहे. आग इतकी प्रचंड आहे की धुराचे लोट दूरवरुनही दिसत आहे.

घटनेची माहिती मिळताच अग्निशमन दल घटनास्थळी दाखल झालं आहे. घटनास्थळी अंबरनाथ, बदलापूर भागातील अग्निशमन दलाच्या 5 गाड्या घटनास्थळी दाखल झाल्या आहेत. आगीची तीव्रता पाहता आणखी गाड्या बोलवण्यात आल्याची माहिती मिळत आहे. (Maharashtra News)

एमआयडीसी भागातील दशमेश कंपनीला ही आग लागली आहे. फोम आणि जीन्सचा कपडा बनवणाऱ्या कंपनीला ही आग लागली आहे.. आग नेमकी कशामुळे लागली याची कोणतीही माहिती अद्याप मिळालेली नाही. कंपनी कुणी कामगार अडकले आहेत का याचा शोध घेतल जात आहे. सध्यातरी आग नियंत्रणात आणण्याचं काम अग्निशमन दलाचे  (fire brigade) जवान करत आहेत.

पोलीस घटनास्थळी उपस्थित आहेत. घटनास्थळी छोटे-छोट स्फोटाचे आवाजही येत आहेत. आजूबाजूला इतर कंपन्या असल्याने आग पसरण्याचाही धोका जास्त आहे. घटनेची माहिती मिळतात नागरिकांनी परिसरात मोठी गर्दी केली आहे.