इराण-अमेरिका युद्धामुळे एलपीजी गॅसचे दर वाढले आहे. खासगी कंपनीच्या पंपावर पेट्रोल आणि डिझेलचे दर वाढले आहेत. त्यानंतर सर्वसामान्यांना आणखी एक मोठा धक्का बसला आहे. आता आज गुरुवारी रात्रीपासून सीएनजी दरातही वाढ होणार आहे. सीएनजीच्या दरात प्रति किलो २ रुपयांनी वाढ करण्यात आली आहे. याचा थेट फटका सर्वसामान्यांना बसण्याची शक्यता आहे.

जगात युद्धामुळे अस्थिर वातावरण निर्माण झाल्याने कच्चा तेलाची किंमत आणि रुपया-डॉलर विनिमय दरावर परिमाण झाला आहे. यामुळे जागतिक बाजारात दररोजच्या खर्चावर परिणाम दिसत आहे. काही शहरांमध्ये इंधनाचे दर स्थिर असल्याचे पाहायला मिळत आहे. तर काही ठिकाणी वाढ इंधनाचे दर वाढताना दिसत आहे.

युद्धाची झळ आता आपल्या घरापर्यंत पोहोचू लागली आहे. पुण्यात सीएनजीचे दर दोन रुयांनी वाढले आहेत. त्यामुळे आता सीएनजीचे नवीन दर ९४. ५० रपये प्रति किलो रुपयांनी वाढले आहेत. नवीन दर आज गुरुवारी रात्री बारा वाजल्यापासून लागू होणार आहेत. काल पर्यंत 92.50 प्रति किलो प्रति किलो मिळणारा सीएनजी २ रुपयांनी महागला आहे. या दरवाढीचा फटका सर्वसामान्यांना सहन करावा लागणार आहे.

शेल इंडिया आणि नायरा एनर्जी कंपनीने इंधन दरात केली वाढ

इराण-इस्रायल युद्धामुळे कच्च्या तेलाच्या किमती वाढल्या आहेत. या पार्श्वभूमीवर शेल इंडिया आणि नायरा एनर्जी या कंपनीने पेट्रोल पंपावर इंधन दरात मोठी वाढ केलीये. या दरवाढीमुळे डिझेल प्रति लिटर तब्बल २५ रुपयांनी महागलं आहे. तर पेट्रोलच्या दरात प्रतिलिटर ७ रुपये ४१ पैशांची वाढ करण्यात आली आहे. या भाववाढीचा थेट फटका सर्वसामान्यांच्या खिशाला बसत आहे