मुंबई : खाजगी शाळेतील विद्यार्थ्यांच्या 'फी'चे १४ लाख रुपये लाटणाऱ्या महिला लिपीकाला कस्तुरबा पोलिसांनी अटक केली आहे. स्वाती कदम (४०) असे या आरोपीचे नाव असून न्यायालयाने (Court) तिला पोलिस कोठडी सुनावली आहे. शाळेच्या विश्वस्तांनी दिलेल्या तक्रारीनुसार हा गुन्हा नोंदवण्यात आल होता.

हे देखील पहा :

बोरिवली पूर्वच्या सिद्धार्थ नगरच्या सेंट जाॅर्ज हायस्कूल येथील खासगी शाळेत (School) स्वाती कदम ही लिपीक म्हणून कामाला होती. कोविड-19 मुळे शाळा बंद असल्या तरी ऑनलाईन (Online) वर्ग सुरू होते. त्यामुळे विद्यार्थ्यांकडून २०१९-२० आणि २०-२१ या शैक्षणिक वर्षाची फी घेतली जात होती. हे पैसे कदम बनावट चेकद्वारे चोरायची. दोन वर्षात कदम हिने तब्बल १४ लाखांवर डल्ला मारला.

शाळेच्या ऑडिट (Audit) दरम्यान हा सर्व प्रकार समोर आल्यानंतर शाळा प्रशासनाच्या विश्वस्तांनी कस्तुरबा पोलिस ठाण्यात कदम यांच्या विरोधात तक्रार नोंदवली. या प्रकरणी कस्तुरबा पोलिसांनी गुन्हा दाखल करून स्वाती कदम हिला अटक केली. या प्रकरणी पोलिस अधिक तपास करत आहेत.

Edited By : Krushnarav Sathe