chhagan bhujbal News: अन्न आणि नागरी पुरवठा मंत्री छगन भुजबळ यांनी संभाजी भिडे यांच्यावर केलेल्या वक्तव्य केलं होतं. भुजबळांनी वक्तव्य केल्यानंतर त्यांना कानाखाली मारण्याची धमकी देण्यात आली होती. तसेच कानाखाली देणाऱ्याला १ लाख रुपये घोषणा करण्यात आली होती. या धमकीनंतर पोलीस विभागाकडून मंत्री छगन भुजबळ यांच्या सुरक्षेत वाढ केली आहे. (Latest Marathi News)

एका वृत्तानुसार, परशुराम सेवा संघाच्या विश्वजीत देशपांडे यांनी भुजबळांच्या कानाखाली मारणाऱ्याला 1 लाख रुपयांची घोषणा केली होती. भुजबळांनी धमक्यांना घाबरत नाही, अशी प्रतिक्रिया दिली होती. 'ब्राह्मण समाजात शिवाजी, संभाजी ही नाव का असत नाही, असं विधान भुजबळांनी केलं होतं.

छगन भुजबळ यांनी वादग्रस्त वक्तव्यानंतर संतप्त प्रतिक्रया येत होत्या. ब्राह्मण महासंघाच्या आनंद दवेंनी छगन भुजबळांनी स्वत:चं नाव बदलण्याचं आव्हान दिलं होतं. इतरांबद्दल बोलण्याआधी त्यांनी स्वतःच्या घरातली नाव बदलावी, असे दवे म्हणाले होते.

छगन भुजबळ काय म्हणाले होते?

शिवप्रतिष्ठानचे संस्थापक अध्यक्ष संभाजी भिडे यांच्यावर भुजबळांनी टीका केली होती. भुजबळ म्हणाले होते, संभाजी भिडे यांचं नाव मनोहर कुलकर्णी आहे की नाही स्पष्ट करावं. त्यांना संभाजी भिडे नाव घेण्याची गरज का भासली. त्यांनी आपापल्या नावाने प्रबोधन करावे. परंतु असं नाव घेऊन बहुजन समाजात जायचं. ते बरोबर नाही. आम्ही त्याला विरोध करणार, असे ते म्हणाले होते.