Summary:

• मध्य रेल्वेची वाहतूक विस्कळीत

• खोपोलीजवळ लोकलने बैलाला धडक दिली

• लोकलखाली बैल अडकल्याने वाहतूक ठप्प

• मुंबईकडे येणाऱ्या लोकल खोळंबल्या

मध्य रेल्वेची वाहतूक विस्कळीत झाली आहे. खोलोपीजवळ रेल्वेने बैलाला धडक दिली. या अपघातामुळे मध्य रेल्वेची वाहतूक खोळंबली आहे. मुंबईकडे येणारी लोकलसेवा उशिराने सुरू आहे. ऐन गर्दीच्या वेळी मध्य रेल्वेची वाहतूक विस्कळीत झाल्यामुळे प्रवाशांचे हाल होत आहे. सर्वच रेल्वे स्थानकांवर प्रवाशांची मोठी गर्दी झाली आहे.

मिळालेल्या माहितीनुसार, खोपोलीमध्ये रेल्वेने बैलाला उडवल्याने मध्य रेल्वेची मुंबईकडे येणारी वाहतूक विस्कळीत झाली आहे. सहा वाजून दोन मिनिटांनी खोपोलीहून छत्रपती शिवाजी महाराज टर्मिनसकडे निघालेल्या लोकलला अपघात झाला. खोपोलीनंतर येणाऱ्या केळवली - पळसदरी या रेल्वे स्थानकादरम्यान लोकलने बैलाला धडक दिली. त्यामुळे लोकल थांबली आहे. ही लोकल आणि त्यामागे आणि पुढे असणाऱ्या लोकल देखीेल खोळंबल्या आहेत.

धावत्या लोकलने बैलाल धडक दिली. त्यानंतर हा बैल लोकलखाली अडकला. त्यामुळे तासाभरापासून लोकल एकाच ठिकाणी थांबून आहे. रेल्वे वाहतूक विस्कळीत झाल्यामुळे मुंबईकडे येणाऱ्या प्रवाशांचे हाल होत आहे. रेल्वे कर्मचाऱ्यांनी घटनास्थळी धाव घेतली असून बैलाला बाजूला काढण्याचे प्रयत्न केले जात आहे. रेल्वे वाहतूक सुरळीत होण्यासाठी आणखी वेळ लागण्याची शक्यता आहे. त्यानंतरच रेल्वे वाहतूक सुरळीत होईल.