Mumbai News :

राज्य मंत्रिमंडळाची महत्वाची बैठक आज पार पडली. आजच्या बैठकीत महत्त्वाचे ७ निर्णय घेण्यात आले. यामध्ये मुलींच्या जन्मानंतर मिळणाऱ्या अनुदानात मोठी वाढ करण्याच्या निर्णय सरकारने घेतला आहे.

महिला व बालविकास मंत्री अदिती तडकरे यांनी याबाबत सांगितलं की, मुलींच्या जन्मदर वाढीसाठी जन्मानंतर मिळणाऱ्या अनुदानात सरकारने वाढ केली आहे. नवरात्रौत्सवाच्या पार्श्वभूमीवर शासन या निर्णयाची अंमलबजावणी करणार आहे.

सरकारच्या लेक लाडकी या योजनेअंतर्गत पहिल्या टप्प्यात ५ हजार, दुसऱ्या टप्प्यात ६ हजार आणि तिसऱ्या टप्प्यात ८ हजार मिळणार आहेत. (Latest Marathi News)

लेक लाडकी योजना काय आहे?

लेक लाडकी योजनेअंतर्गत पिवळ्या आणि केशरी रेशनकार्डधारका कुटुंबात मुलीचा जन्म झाल्यावर ५ हजार रुपये मिळणार. मुलगी पहिलीती गेल्यावर ६ हजार रुपये मिळणार. सहावीत गेल्यावर ७ हजार रुपये मिळणार. अकरावीत ८ हजार रुपये मिळणार. १८ वर्ष पूर्ण झाल्यावर ७५ हजार रुपये मिळणार आहेत. अशारितीने मुलींना १ लाख १ हजार रुपये मिळतील.

मंत्रिमंडळ बैठकीतील महत्वाचे निर्णय

• राज्यात मुलींच्या सक्षमीकरणासाठी लेक लाडकी योजना. मुलींना करणार लखपती. (महिला व बालविकास)

• सार्वजनिक खासगी भागीदारीतून उदंचन जलविद्युत प्रकल्पासाठी धोरण. मोठ्या प्रमाणावर खासगी गुंतवणूक जलविद्युतमध्ये येणार. (जलसंपदा विभाग) (Political News)

• सांगली, अहमदनगर जिल्ह्यात जिल्हा व अतिरिक्त सत्र न्यायालये (विधि व न्याय विभाग)

• पात्र माजी खंडकरी शेतकऱ्यांना १ एकरापेक्षा कमी जमीन मिळणार. (महसूल विभाग)

• फलटण ते पंढरपूर नवीन ब्रॉडगेज रेल्वेमार्ग आता रेल्वे मंत्रालयातर्फे पूर्ण करणार (परिवहन विभाग)

• भोसला मिलिटरी स्कूलला नागपूर येथे जमीन (महसूल व वन विभाग)

• विद्यापीठाच्या नावात औरंगाबाद ऐवजी छत्रपती संभाजीनगर बदल करण्यास मान्यता (उच्च व तंत्र शिक्षण)