मुंबई : मुंबईच्या गुन्हे शाखा (Mumbai Crime Branch) १० च्या पोलिसांनी अल्पवयीन मुलीला सोशल मिडियावर त्रास देणाऱ्या दोन आरोपींना अटक केली आहे. पोलिस उपायुक्त दत्ताजी नलावडे (Dattaji Nalawade) यांनी याबाबत माहिती दिली आहे.

हे देखील पहा-

२६ ऑगस्टला हा संपूर्ण प्रकार घडला असून सोशल मिडियावर या मुलांची तिच्यासोबत ओळख झाली होती. कालांतराने हे दोघे पिडीत मुलीला आई वडिलांना मारण्याची धमकी देऊन तिच्याकडून अश्लील कृत्य करण्यास दबाव टाकत होते.

याबाबत मुलीने आई-वडिलांना घटना सांगितल्यानंतर मेघवाडी पोलिसात तक्रार नोंदवण्यात आली. गुन्ह्याचं गांभीर्य लक्षात घेऊन हा गुन्हा तपासासाठी गुन्हे शाखेकडे वर्ग करण्यात आला. या प्रकरणात पोलिसांनी दोघांना अटक केली आहे.

Edited By- Anuradha