मावळ: महाराष्ट्र राज्य ग्रामपंचायत कर्मचारी संघटना आणि तालुका ग्रामपंचायत कर्मचारी संघटना यांच्या वतीने मावळ मधील पंचायत समिती कार्यालयावर बोंब मारो आंदोलन करण्यात आले. सरकारला जागे करण्यासाठी कर्मचाऱ्यांनी पेटी, मृदंग वादक आणि तबला वाजवून हे आंदोलन करण्यात आलेले आहे. (Bombabomb agitation of Panchayat Samitis employees at Maval Panchayat Samiti office)

हे देखील पहा -

ऑगस्ट दोन हजार वीस पासून परिमंडळनिहाय वेतनवाढ व त्याची थकबाकी मिळावी, राहणीमान भत्ता मिळावा, ग्रामपंचायतीकडून कर्मचार्‍यांच्या भविष्यनिर्वाह निधीची रक्कम कपात केली जात नाही, कपात केली तरी त्याचा हिशोब ठेवला जात नाही, याचा बँकेत भरणा केलाही जात नसल्यामुळे सेवापुस्तक 2007 पासूनचा राहणीमान भत्ता  मिळावा, कर्मचाऱ्यांना गणवेश, बूट, बॅटरी इत्यादी साहित्य मिळावे अशा अनेक मागण्यासाठी हे आंदोलन करण्यात आले. दरम्यान या मागण्यांकडे शासनाचे व प्रशासनाचे लक्ष वेधण्यासाठी मावळ पंचायत समिती कार्यालयावर कामकाज बंद करून हे आंदोलन करण्यात आले. सरकारला जागे करण्यासाठी कर्मचाऱ्यांनी पेटी, मृदंग वादक आणि तबला वाजवून हे आंदोलन करण्यात आलेले आहे.

Edited By - Akshay Baisane