घरात धुडघूस घालणाऱ्या उंदरांमुळे मुंबईकर हैराण आहेत.... त्यामुळेच उंदीर मारण्यासाठी मुंबई महापालिकेने मोहीम हाती घेतलीय.. मात्र या उंदीर मारण्याच्या मोहीमेतच घोटाळा झाल्याची चर्चा रंगलीय.. कारण मुंबई महापालिकेने अवघ्या 6 महिन्यात तब्बल अडीच लाख उंदीर मारल्याचा दावा केलाय...त्यामुळे ही आकडेवारी संशयाच्या भोवऱ्यात सापडलीय...

मुंबईत उंदीर घोटाळा?

- 6 महिन्यात 17 वॉर्डमध्ये 2 लाख 50 हजार उंदरांचा खात्मा

- एक उंदीर मारण्यासाठी 20 रुपये दर

- टार्गेटपेक्षा जास्त उंदीर मारल्यास 22 रुपये दर

- 5 वॉर्डमधील उंदीर मारण्यासाठी पालिकेचा 1 कोटी खर्च

- 5 वर्षात महापालिकेचा उंदीर मारण्यावर 23 कोटींचा खर्च

महापालिकेच्या दाव्यानंतर अजूनही मुंबईत गल्लोगल्ली उंदरांची टोळी दिसते... मात्र महापालिका लाखो उंदीर मारल्याचा दावा करत आहे. त्यामुळे मुंबईचे पालकमंत्री आशिष शेलार यांनी महापालिकेच्या आकडेवारीवर संशय व्यक्त करत चौकशीचे आदेश दिलेत...

दरवर्षी मुंबई महापालिका लाखो उंदीर मारल्याचा दावा करते... मात्र ही मोहीम कागदी घोडे नाचवण्याचा प्रकार आहे की खरंच उंदीर मारले जात आहेत? हा मोठा प्रश्न आहे. बेजबाबदार आणि भ्रष्टा अधिकाऱ्यांवर कोणाचाच अंकूश नाही हे वास्तव आहे. त्यामुळेच अधिकाऱ्यांनी खरच प्रत्यक्षात 23 कोटींचे उंदीर मारले की केवळं कागदावर मारुन पैसे खाल्याची मस्त ढेकर दिली याचं सत्य चौकशीनंतरच समोर येणार आहे. उंदराला मांजर साक्ष या म्हणीनुसार हा घोटाळ्यातील अधिकाऱ्यांना लोकप्रतिनिधीही पाठीशी घालणार का? याकडे सगळ्याचं लक्ष आहे.