Sakshi Sunil Jadhav
जर तुम्ही नाश्त्यासाठी काहीतरी हेल्दी खायचा विचार करत असाल तर पनीरची अप्रतिम रेसिपी नक्की करून पाहा.
पनीरची भुर्जी बनवायला अगदी सोपी आहे. ही भुर्जी चपाती किंवा पराठ्यासोबत तुम्ही खाऊ शकता.
पनीर, कांदा, टोमॅटो, लाल तिखट, हळद, हिंग, धणे पूड, पाव भाजी मसाला, ढोबळी मिरची, लसूण, आलं, हिरवी कोथिंबीर, तेल, मीठ इ.
पनीरची भुर्जी बनवण्यासाठी सर्वप्रथम कांदा, टोमॅटो आणि हिरव्या मिरच्या बारीक चिरुन घ्या.
पुढे एका भांड्यात पनीर घेऊन ते कुस्करुन बाजुला ठेवा. मग कढईत फोडणीसाठी तेल घाला.
तेलात जिरं आणि हिंग घालून फोडणी द्या. मग त्यामध्ये कांदा, आलं- लसणाची पेस्ट मिक्स करा. पुढे ढोबळी मिरची, टोमॅटो मऊ होईपर्यंत परता. नंतर त्यात मसाले घाला.
आता मसाले मंद आचेवर किमान १ मिनिट परतून घ्या. यानंतर, बारीक चिरलेली सिमला मिरची घालून भाज्या मऊ होईपर्यंत मिश्रण शिजवा.
आता त्यात मॅश पनीरचा चुरा घालून मिश्रण मिक्स करा. यानंतर, चवीनुसार मीठ घालून पनीर भुर्जी झाकून ३ ते ४ मिनिटं शिजवा. यानंतर, गॅस बंद करा, हिरव्या कोथिंबिरीने सजवून गरमागरम पनीर भुर्जी सर्व्ह करा.