संघर्ष गांगुर्डे, साम टीव्ही

कल्याणमधील नामांकित रामदेव हॉटेलचा हलगर्जीपणाचा कळस समोर आला आहे. याआधी जेवणामध्ये लोखंडाचा तुकडा आढळला होता. त्यानंतर आता फ्राईडराईसमध्ये मेलेलं मोठ झुरळ आढळलं आहे. त्यामुळे हॉटेल नागरिकांच्या जीवाशी खेळ करत असल्याची बाब समोर आली आहे.

काय आहे प्रकरण?

बीएमसीच्या अधिकारी निकिता जाधव या आपल्या मुलीला पार्सल जेवण (Food) घेऊन गेल्या. तर पार्सल घेतलेल्या जेवणामध्ये मोठ झुरळ आढळलं. त्यांनी घडलेला प्रकार हॉटेलात येऊन मालकाला सांगितला. पण हॉटेल मालकाने उडवाउडवीची उत्तर दिली. त्यानंतर त्यांनी घडलेला प्रकार माध्यमांना कळविला. त्याचबरोबर माझ्या मुलींनी तो फ्राईडराईस खाल्ला आहे. तिला जर काही झाले असते तर, असं म्हणत हॉटेलच्या कारभारावर सवाल उपस्थित केला आहे.

या प्रकारानंतर माध्यमांनी हॉटेल व्यवस्थापकांशी बोलण्याचा प्रयत्न केला. पण त्यांनी बोलण्यास नकार दिला आहे. एकंदरीत ही घटना बघता कल्याणातील नागरिकांच्या जीवाशी खेळ होत असल्याचे चित्र दिसत आहे.

बीएमसीच्या अधिकारी निकिता जाधव काय म्हणाल्या?

बीएमसीच्या अधिकारी निकिता जाधव म्हणाल्या की, 'मी हॉटेलमध्ये आली होती. हॉटेलमधून फ्राईड राईस मागवला. घरी जाऊन जेवायला सुरुवात केल्यानंतर मुलीला त्यात झुरळ आढळला. मी लगेच डबा बंद केला. हॉटेल मालकाला दाखवला. मात्र, हॉटेल मालकाने (Hotel Owner) जेवण बदलून देऊ सांगितले. हॉटेलचा निष्काळजीपणा खपवून घेतला जाणार नाही. आम्ही त्यांच्यावर डोळे बंद करून विश्वास ठेवतो'.