भाजप मुंबई प्रदेश अध्यक्ष अमित साटम यांनी केलेल्या विधानावरून काँग्रेस आक्रमक झाली आहे. काँग्रेस कार्यकर्त्यांनी साटम यांच्या कार्यालयासमोर आंदोलन केलं. काँग्रेस आमदार असलम शेख यांच्यावर केलेल्या अभद्र भाषेतील टीकेनंतर काँग्रेस आक्रमक झाली होती. साटम यांच्या विरोधात गुन्हा दाखल करावा यासाठी काँग्रेस साटम यांच्या अंधेरी कार्यालयाबाहेर आंदोलन केलं. यावेळी संतप्त झालेल्या आंदोलकांना नियंत्रणात आणण्यासाठी पोलिसांनी काँग्रेस कार्यकर्त्यांची धरपकड केली.

काँग्रेस कार्यकर्ते आंदोलन करणार असल्यानं पोलिसांकडून या ठिकाणी मोठा बंदोबस्त तैनात केला होता. त्यावेळी साटम यांचे कार्यकर्ते देखील मोठ्या संख्येने कार्यालयाबाहेर जमा झाले होते. दरम्यान पोलिसांनी संतप्त आंदोलकांना ताब्यात घेतलंय.

अमित साटम काय म्हणाले होते?

"अस्लम शेख यांना अमित साटम यांनी पाकिस्तानच्या औलादी म्हटलं होतं. पाकिस्तानच्या औलादींना आम्ही अजिबाद भीक घालत नाही. तुम्ही मालाडमध्ये ज्याप्रकारे मालवणी पॅर्टन चालवला आहे, तो उखाडून फेकल्याशिवाय आम्ही गप्प बसणार नाही. येणाऱ्या काळात तुमच्यासारखी हिरवी पिलावळं या मुंबईत गाडल्याशिवाय आम्ही राहणार नाहीत, असं अमित साटम म्हणाले होते. त्यांच्या या वक्तव्याविरोधात काँग्रेस कार्यकर्त्यांनी आज आंदोलन केलं.

काँग्रेसचे कार्यकर्ते मोठ्या संख्येने अमित साटम यांच्या अंधेरी पश्चिम येथील कार्यालयावर धडकले. यावेळी पोलिसांनी कार्यकर्त्यांची धरपकड केली. काँग्रेस कार्यकर्त्यांनी यावेळी जोरदार घोषणाबाजी केली. दोन्ही पक्षांचे कार्यकर्ते समोरासमोर आले तेव्हा पोलिसांनी परिस्थिती सांभाळली. संभाव्य धोका लक्षात घेऊन पोलिसांनी इथे आधीपासूनच बॅरिकेटिंग लावली होती. पण तरीही काँग्रेस कार्यकर्ते आंदोलनासाठी आल्यानंतर भाजपचे कार्यकर्तेदेखील तेथे आले. . यावेळी दोन्ही पक्षांच्या कार्यकर्त्यांमध्ये काही वाद होताना दिसला त्यावेळी पोलिसांनी काँग्रेस कार्यकर्त्यांची धरपकड केली.