भिवंडीमध्ये (Bhiwandi) प्लास्टिकच्या कंपनीला (Plastic Company) भीषण आग लागल्याची घटना समोर आली आहे. भिवंडी तालुक्यातील सोनाळे गावच्या हद्दीत ही घटना घडली आहे. ही आग इतकी भीषण आहे की परिसरामध्ये धुराचे लोट पसरले आहे. आगीची माहिती मिळताच अग्निशमन दलाच्या (Fire Brigade) गाड्या घटनास्थळी दाखल झाल्या असून आग विझवण्याचे प्रयत्न सुरू आहेत.
मिळालेल्या माहितीनुसार, भिवंडीच्या सोनाळे गावातील राजलक्ष्मी हायटेक या इंडस्ट्रियल पार्कमधील प्लास्टिक कंपनीला भीषण आग लागली. साडेसहाच्या सुमारास कंपनीला अचानक आग लागली. या कंपनीमध्ये प्लास्टिकचे पंखे बनवण्यात येत होते. या आगीमध्ये कंपनी जळून खाक झाली. या आगीचे कारण अद्याप अस्पष्ट आहे. आगीची माहिती मिळताच अग्निशमन दलाच्या दोन गाड्या घटनास्थळी दाखल झाल्या. अग्निशमन दलाच्या जवानांनी आगीवर नियंत्रण मिळवले असून कुलिंग ऑपरेशन सुरू आहे.
राजलक्ष्मी हायटेक या इंडस्ट्रियल पार्कमधील एका इमारतीत दुसऱ्या मजल्यावर Hicool ही प्लास्टिक पंखे बनवणारी कंपनी आहे. या कंपनीत अचानक आग लागली. पाहता पाहता आग भडकत गेल्याने संपूर्ण कंपनी जळून खाक झाली. या आगीमुळे परिसरात धुराचे लोट परसरले होते. आग नियंत्रणात आली आहे. या आगीचे कारण अद्याप अस्पष्ट आहे. सुदैवाने या आगीमध्ये कोणतीही जीवितहानी आणि कोणी जखमी झाले नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.