- फैयाज शेख

भिवंडी : भिवंडी शहरातील खंडू पाडा परिसरातील अन्सारी मॅरेज हॉल मध्ये भीषण आग लागल्याचे वृत्त समोर येत आहे. लग्न समारंभ सुरू असतानाच मंडपाच्या बाजूला असलेल्या एका गोडाऊन ला भीषण आग लागली आहे. अन्सारी मॅरेज हॉलच्या पार्किंग मध्ये हे गोडाऊन असून त्यात लग्नसमारंभाचे सामान होते.

या लग्नसमारंभा दरम्यान फटाक्यांच्या आतिषबाजीमुळे आग लागल्याची माहिती समोर येत आहे. या आगीने क्षणातच रौद्र रूप धारण केल्यामुळे या आगीत अनेक दुचाकी वाहने जळून खाक झाली असून चार चाकी वाहनांचे देखील मोठ्या प्रमाणात नुकसान झाले आहे. आगीवर नियंत्रण मिळविण्यासाठी सध्या अग्निशमन दलाच्या दोन गाड्या घटनास्थळी दाखल झाल्या आहेत.

Edited By : Krushnarav Sathe