'आरोपपत्र घाईघाईने दाखल करण्याची चूक करू नका.', असे मुंबई हायकोर्टाने एसआयटीला बजावलं. बदलापूर शाळकरी मुलींवर लैंगिक अत्याचार प्रकरणी मुंबई हायकोर्टात दाखल करण्यात आलेल्या सुमोटो याचिकेवर हायकोर्टात सुनावणी सुरू आहे. या सुनावणी दरम्यान हायकोर्टाने बदलापूर पोलिसांच्या कारभारावर तीव्र नाराजी व्यक्त केली.
घटना गंभीरतेने न घेत, निष्काळजी कारभार करणाऱ्या बदलापूर पोलिसांच्या कारभारावर मुंबई हायकोर्टाने नाराजी व्यक्त केली. केस डायरीतून बदलापूर पोलिसांचा निष्काळजीपणा हायकोर्टात उघड झाला. फक्त याच नाही तर पोलिस ठाण्यात येणाऱ्या प्रत्येक तपासाकडे गंभीरतेनं पाहण्याची गरज असल्याचे निरीक्षण हायकोर्टाने यावेळी केले. तसंच, आरोपपत्र घाईघाईने दाखल करण्याची चूक करू नका असे हायकोर्टाने एसआयटीला खडसावून सांगितले.
तसंच याप्रकरणाची सखोल चौकशी करा असे हायकोर्टाने आदेश एसआयटीला दिले. या तपासातून आणखी माहिती समोर येण्याची शक्यता हायकोर्टाने व्यक्त केली. बदलापूर प्रकरणातील इतर आरोपी अद्याप फरार आहेत. विद्यालयचे अध्यक्ष उदय कोतवाल, सचिव तुषार आपटे अद्यापही फरार आहेत. हे आरोपी न सापडल्यामुळे हायकोर्टाने नाराजी व्यक्त केली. फरार आरोपी अद्याप न सापडणे हे खेदाची बाब असल्याचे हायकोर्टाने सांगितले. तपासयंत्रणेच्या कारभारावर देखील हायकोर्टाने नाराजी व्यक्त केली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.