- सिद्धेश म्हात्रे

Navi Mumbai Crine News : नवी मुंबईतील (Navi Mumbai) सानपाडा (Sanpada) विभागात सायन पनवेल महामार्गा (sion panvel expressway) लगत सापडलेल्या मृतदेहाची माहिती समोर आली आहे. या महिलेची हत्या झाल्याचे निष्पन्न झाले आहे. मृत महिलेचे नाव आशा बोराडे (asha boarde) आहे.

कोपरखैरणेतील खाडीकिनारी एका महिलेची हत्या झाल्याची घटनाताजी असतानाच सानपाडा सेक्टर- ३० मधील बागेत आशा आत्माराम बोरडे (वय ३३) या महिलेचा बुधवारी दुपारच्या सुमारास खून झाला. सानपाडा पोलिसांना घटनेची माहिती कळताच त्यांनी घटनास्थळी धाव घेत तपास सुरु केला.

आशा या मूळच्या औरंगाबादच्या आहेत. सध्या त्या बेघर होत्या. त्यांच्या छातीत चाकू भोसकून हत्या करण्यात आली असावी असा अंदाज पाेलिसांनी बांधला आहे. तिच्याजवळ असणाऱ्या काही पैशांसाठी गर्दुल्यांकडून हे कृत्य करण्यात आले असावे अशी शक्यता पोलीसांनी वर्तवली आहे. याप्रकरणी सानपाडा पोलीस ठाण्यात अज्ञात मारेकऱ्या विरोधात गुन्हा दाखल करण्यात आला आहे.

Edited By : Siddharth Latkar